ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងបញ្ជាក់ថា អ្នកដែលប៉ុនប៉ងរំលាយ អង្គរក្សការពារនាយករដ្ឋមន្ត្រី គឺជាការប៉ុនប៉ងធ្វើរដ្ឋប្រហារ ។
ក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋ ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា នាថ្ងៃទី១៣ កញ្ញា សម្ដេចតេជោ ហ៊ុន សែន បានមានប្រសាសន៍ថា ពលរដ្ឋពិតជាយល់ច្បាស់ហើយ រឿងសម្តេចហាមប្រារព្ធពិធីបុណ្យចូលឆ្នាំ និងបុណ្យភ្ជុំបិណ្ឌពេលកូវីដ១៩រីករាតត្បាត គឺដើម្បីការពារអាយុជីវិត។ សម្ដេចថា គ្មានសិទ្ធិណា ធំជាងសិទ្ធិរស់រានមានជីវិតនោះឡើយ។
សម្តេចតេជោថ្លែងថា សម្តេចមិនធ្វើឱ្យប្រជាពលរដ្ឋបោះឆ្នោតជូនសម្តេច និងគណបក្សប្រជាជនកម្ពុជា ខកចិត្តនោះឡើយ។
សម្តេចតេជោ ក៏បានស្នើឲ្យលោក ខឹម វាសនា ឆ្លើយតបរឿងគេចោទថា សម្តេចនៅពីក្រោយខ្នង ឲ្យរៀបចំព្រឹត្តិការណ៍នៅភ្នំគូលែនផងដែរ ៕
