ឧត្តមសេនីយ៍ ឯក ហ៊ុន ម៉ាណែត និងលោកជំទាវ ឧបត្ថម្ភស្បៀងអាហារ និងថវិកា ជូនបងប្អូនអតីតយុទ្ធជន ដែលមានជីវភាពខ្វះខាត ជនក្រីក្រ និងពិការ
ភ្នំពេញ៖ ឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការ តំបន់ប្រតិបត្តិការសឹករងព្រះវិហារ និងជាប្រធាន សមាគម អតីត យុទ្ធជន កម្ពុជា ខេត្ត ព្រះវិហារ នៅព្រឹកថ្ងៃទី១២ ខែកញ្ញា ឆ្នាំ២០២២ បានដឹកនាំ ក្រុមការងារ អតីត យុទ្ធជនកម្ពុជាខេត្តព្រះវិហារ នាំយកអំណោយដ៏ថ្លៃថ្លារបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក និងលោកជំទាវ ពេជ ចន្ទមុន្នី មកចែកជូន បងប្អូនអតីត យុទ្ធជន ដែលមានជីវភាពខ្វះខាត ជនក្រីក្រ និងពិការទាំង ៣៥គ្រួសារ នៅភូមិឆែបលិច ឃុំឆែបមួយ ស្រុកឆែប ខេត្តព្រះវិហារ ។
ឧត្តមសេនីយ៍ទោ ច័ន្ទ សុភ័ក្ត្រា បានបញ្ចាក់ថា ក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋ មន្ត្រីនៃព្រះ រាជាណាចក្រកម្ពុជា ប្រធានសមាគមអតីតយុទ្ធជនកម្ពុជា និងឯកឧត្តមទេសរដ្ឋមន្ត្រី នាយឧត្តមសេនីយ៍ គន់ គីម អនុប្រធាននិងជាអគ្គលេខាធិការសមាគមអតីតយុទ្ធជនកម្ពុជា លោកបានខិតខំប្រឹងប្រែងគ្រប់បែបយ៉ាង ដើម្បីដោះស្រាយរាល់ការលំបាករបស់បងប្អូនអតីតយុទ្ធជនយើង មានដូចជា ការបែងចែកដីធ្លី ការសាងសង់ផ្ទះសម្បែង ជូនបង ប្អូនអតីតយុទ្ធជនយើង ដែលមានជីវភាពលំបាកខ្វះខាតពិតប្រាកដ ជូនបងប្អូនអតីតយុទ្ធជនយើង។
ក្នុងការចែកអំណោយនោះផងដែរ បងប្អូនអតីតយុទ្ធជន ៣៥គ្រួសារ ក្នុងមួយគ្រួសារ ទទួលបាន អង្ករ ៣០គីឡូក្រាម, មី ១កេស ,ត្រីខ ១យួរ និង ថវិកាចំនួន ២០,០០០រៀល ផងដែរ ។
បន្ទាប់មក នៅរសៀល ថ្ងៃ ទី ១២ ខែ កញ្ញា ឆ្នាំ ២០២២ ដដែរឧត្ដម សេនីយ៍ ទោ ច័ន្ទ សុភ័ក្ដ្រា មេបញ្ជាការ តំបន់ ប្រតិបត្តិការ សឹករងព្រះវិហារ បាន អញ្ជើញ ចុះសួរសុខទុក្ខ គ្រួសារសព លោក អនុសេនីយ៍ ត្រី ហម ដឿន មុខងារ មេបញ្ជាការ កង អនុសេនាតូច ទី៣ ផ្នែក សឹករងឆែប អាយុ ៤៩ឆ្នាំ ដែលបានទទួលមរណៈភាពដោយ ជំងឺ ប្រចាំ កាយ ស្ថិត នៅភូមិ ឆែបលិច ឃុំឆែបមួយ ស្រុក ឆែប ខេត្តព្រះវិហារ នៅក្នុងឱកាសនោះដែ ឯកឧត្ដម មេបញ្ជាការ បាននាំយ ក ថវិកាចំនួន ៦០០,០០០៛ , មី ២កេស, ទឹកផ្លែឈើ ២កេស, ទឹកសុទ្ធ ២កេស, ត្រីខ ៤យួរ , និងអង្ករ ២បេ ស្មើ ៦០គីឡូ ក្រាម ផងដែរ ៕
