អាវុធហត្ថខេត្តតាកែវ ឃាត់ខ្លួនជនសង្ស័យម្នាក់ ពាក់ព័ន្ធករណីរក្សាទុក និងប្រើប្រាស់សារធាតុញៀន នៅស្រុកគិរីវង់
ភ្នំពេញ៖ កាលពីថ្ងៃទី១១ ខែកញ្ញា ឆ្នាំ២០២២ កម្លាំងការិយាល័យប្រឆាំងគ្រឿងញៀន ដឹកនាំដោយ លោកអនុសេនីយ៍ទោ ហួត វឿន នាយការិយាល័យ សហការជាមួយអាវុធហត្ថស្រុកគិរីវង់ ដោយបានទទួលបទបញ្ជា លោកឧត្តមសេនីយ៏ត្រី សេង មហា មេបញ្ជាការ និងសម្របសម្រួលនីតិវិធី ឯកឧត្ដម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ បានចុះបង្រ្កាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចរោងស័ង្កសី ភូមិជ្រោយស្លែង ឃុំព្រះបាទជាន់ជុំ ស្រុកគីរីវង់ ខេត្តតាកែវ ។
ជាលទ្ធផលជាក់ស្តែងឃាត់ខ្លួនជនសង្ស័យបានចំនួន ០១នាក់ឈ្មោះ ណន រដ្ឋា ហៅ វៀច ភេទប្រុស អាយុ ២៩ឆ្នាំ ជនជាតិខ្មែរ (រក្សាទុកនិងប្រើប្រាស់ ) រស់នៅភូមិឃុំកើតហេតុខាងលើ។
ដកវត្ថុតាងចាប់យករួមមាន៖ ម្សៅក្រាមពណ៏សថ្លាចំនួន០២ កញ្ចប់ ទម្ងន់:២,៥៣ក្រាម (ថ្លឹងទាំងសំបកថង់), ម៉ូតូ០១គ្រឿង ព័ណខ្មៅ ស្លាកលេខ តាកែវ 1AA-1637 (ម៉ាកសេ125 សេរី២០២២) ជារបស់ជនសង្ស័យឈ្មោះ ភាព រស់នៅភូមិឃុំជាមួយគ្នា (គេចខ្លួន) ។
បច្ចុប្បន្នជនសង្ស័យ និងវត្ថុតាង ត្រូវបានឃាត់ខ្លួន និងរក្សាទុកបណ្តោះអាសន្ន នៅទីបញ្ជាការអាវុធហត្ថខេត្តការិយាល័យជំនាញកំពុងសាកសួរកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធី៕
