អភិបាលខេត្តមណ្ឌលគិរី និងលោកជំទាវ អញ្ជើញធ្វើបុណ្យគម្រប់ខួប ៣ឆ្នាំ ឧទ្ធិសមហាកុសលជូនវិញ្ញាណក្ខន្ត នាយឧត្តមសេនីយ៍ព្រឹទ្ធចារ្យ ប៊ូ ថង

ភ្នំពេញ៖ ឯកឧត្តម ថង សាវុន អភិបាលខេត្តមណ្ឌលគិរី និងលោកជំទាវ ព្រមទាំងក្រុមគ្រួសារ និងសាច់ញាតិ នៅរសៀលថ្ងៃទី១១ ខែកញ្ញា ឆ្នាំ២០២២ បានរៀបចំពិធីបុណ្យទក្ខិណានុប្បទានគម្រប់ខួប ៣ឆ្នាំ ដើម្បីឧទ្ទិសកុសលផលបុណ្យជូនវិញ្ញាណក្ខន្ធ ឯកឧត្តម នាយឧត្តមសេនីយ៍ព្រឹទ្ធចារ្យ ប៊ូ ថង ដែលត្រូវជាបិតាបង្កើត របស់ឯកឧត្តម ថង សាវុន។

ពិធីបុណ្យទក្ខិណានុប្បទានឧទ្ទិសមហាកុសលនេះ រៀបចំធ្វើឡើងនៅទីតាំងបញ្ចុះសព ស្ថិតនៅលើភ្នំស្វាយ ភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។

នៅក្នុងពិធីបុណ្យនេះ ក៏មានការអញ្ជើញចូលរួមពីសំណាក់ឯកឧត្តម ចាន់ យឿន អ្នកតំណាងរាស្រ្តមណ្ឌល ខេត្តមណ្ឌលគិរី ឯកឧត្តម ណយ ស្រូន សមាជិកព្រឹទ្ធសភាប្រចាំភូមិភាគ៨ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី ឯកឧត្តម ញ៉ែម សំអឿន អភិបាលខេត្តរតនគិរី និងលោកជំទាវ ឯកឧត្តម ឧកញ្ញ៉ា អ៉ឹង ស៊ីតាតវិរៈ ប្រធានកិត្តិយសាខាកាកបាទក្រហមកម្ពុជាខេត្តមណ្ឌលគិរី ព្រមទាំងលោក លោកស្រី សមាជិកក្រុមប្រឹក្សាខេត្ត អភិបាលរងខេត្ត មន្ត្រីរាជការ កងកម្លាំងប្រដាប់អាវុធ អាជីវករ និងប្រជាពលរដ្ឋ យ៉ាងច្រ់នកុះករផងដែរ៕