បុរសម្នាក់រងរបួសធ្ងន់ ក្រោយបើកម៉ូតូបុកគោយន្តកន្ត្រៃ

ភ្នំពេញ៖ បុរសម្នាក់បាក់ភ្លៅរបួសធ្ងន់ បន្ទាប់ពីជួបហេតុការណ៍គ្រោះថ្នាក់ចរាចរណ៍ កាលពីរសៀលថ្ងៃទី៥ ខែកញ្ញា ឆ្នាំ២០២២ ចំណុចផ្លូវជាតិលេខ៥៦A ប្រសព្វបំបែកជាបី ក្នុងភូមិស្ទឹង ឃុំរលួស ស្រុកស្វាយចេក ខេត្តបន្ទាយមានជ័យ ។

ប្រភពព័ត៌មានពីនគរបាល ស្រុកស្វាយចេក បានឲ្យដឹងថា៖បុរសរងគ្រោះឈ្មោះ ប៉ិន ច័ន្ទប៊ីលី ភេទប្រុស អាយុ ១៩ ឆ្នាំ រសនៅភូមិ២ សង្កាត់កំពងស្វាយ ក្រុងសិរីសោភ័ណ ខេត្តបន្ទាយមានជ័យ បើកបរម៉ូតូម៉ាកហុងដាឌ្រីមc125សេរីឆ្នាំ២០១៣ ពណ៌ខ្មៅពាក់ស្លាកលេខ បន្ទាយមានជ័យ 1I-1660 (ពាក់មួកសុវត្ថិភាព) ។ ចំណែកអ្នកបើកគោយន្ត ឈ្មោះ សូត្រ សម្បត្តិ ភេទប្រុស អាយុ ៣៨ ឆ្នាំ រស់នៅភូមិ ខ្វាវកើត ឃុំ រលួស ស្រុក ស្វាយចេក ខេត្ត បន្ទាយមានជ័យ ។

នគរបាលបានបញ្ជាក់ថា នៅមុនពេលកើតហេតុ បើកម៉ូតូ និងគោយន្តបានធ្វើដំណើរស្របទិសគ្នាក្នុងទិសដៅពីត្បូងទៅជើង ពេលបើកបរមកដល់ចំណុចកើតហេតុគោយន្តកន្ត្រៃបានប្តូរគន្លងផ្លូវ បត់ស្ដាំពីផ្លូវជាតិចុះទៅផ្លូវលំដោយពុំមានសញ្ញាប្រាប់ ស្របពេលនោះម៉ូតូបើកក្នុងល្បឿនលឿន ជាន់ហ្វ្រាំមិនទាន់បានបុលគោយន្តពេញទំហឹងបណ្តាលឲ្យ អ្នកបើកម៉ូតូបាក់ភ្លៅខាងឆ្វេងរងរបួសធ្ងន់ ត្រូវដឹកទៅព្យាបាលនៅមន្ទីរពេទ្យ ។ សម្ភារៈគោយន្តខូចខាតស្រាលនិងម៉ូតូខូចខាតធ្ងន់ យកមករក្សាទុកនៅអធិការដ្ឋាននគរបាល ស្រុកស្វាយចេក រងចាំធ្វើការដោះស្រាយនៅពេលក្រោយ ៕