សមត្ថកិច្ចឃាត់ខ្លួនចោរបម្រុងលួចរថយន្តម្នាក់ នៅស្រុកភ្នំក្រវាញ

ពោធិ៍សាត់៖ ចោរបម្រុងលួចរថយន្តម្នាក់ត្រូវបានប្រជាពលរដ្ឋជាម្ចាស់ រថយន្តប្តឹងទៅសមត្ថកិច្ច នគរបាលស្រុកឲ្យចាប់ខ្លួនកាលពីថ្ងៃទី ៣១ ខែ សីហា ឆ្នាំ ២០២២ ខណះដែលជនសង្ស័យនោះបាន ធ្វើសកម្មភាពឡើងលើរថយន្តរបស់គេបំរុងលួចបើកចេញពីទីតាំងកើតហេតុតែត្រូវបានប្រជាពលរដ្ឋឃើញទាន់ក៍ទូរស័ព្ទប្រាប់ទៅម្ចាស់រថយន្តហើយម្ចាស់រថយន្តក៍នាំកម្មករមកព័ទ្ធចាប់តែជនសង្ស័យនោះបានបើកទ្វាររថយន្តហក់ចុះរត់គេចខ្លួនបានមួយចំអិនកំពឹសពីទីតាំងកើតហេតុ ក៍ត្រូវសមត្ថកិច្ចស្រាវជ្រាវចាប់ខ្លួន បានតែម្តង។

នគរបាលស្រុកភ្នំក្រវាញបានឲ្យដឹងថា ជនសង្ស័យដែលសមត្ថកិច្ចនគរបាលឃាត់ខ្លួន បាននោះមាន ឈ្មោះលី ចិត្រា ភេទប្រុសអាយុ ២៩ ឆ្នាំរស់នៅភូមិស្បូវរីក ឃុំលាច ស្រុកភ្នំក្រវាញ ខេត្តពោធិសាត់។

ចំណែកម្ចាស់រថយន្តមានឈ្មោះស៊ឹម រិទ្ធ ភេទប្រុសអាយុ ៣៥ ឆ្នាំរស់នៅភូមិគល់ទទឹង ឃុំសន្រ្ទែ ស្រុកភ្នំក្រវាញ ខេត្តពោធិសាត់(មានរថយន្តម៉ាកហ៊ីយិនដាយពាក់ស្លាកលេខភ្នំពេញ3D7612)។

បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកដើម្បីកសាងសំណុំរឿងចាត់ការទៅតាមនិតិវិធី៕