ភ្នំពេញ៖ បុរសម្នាក់ត្រូវបានស្ត្រី៣នាក់ ដាក់ពាក្យប្តឹងសមត្ថកិច្ចសមត្ថកិច្ចនគរបាលខណ្ឌដង្កោស្រាវជ្រាវឃាត់ខ្លួន ពាក់ព័ន្ធនឹងករណីប្រទូសកេរ្តិ៍ភេទ ប្រព្រឹត្តកាលពីថ្ងៃទី២៥ ខែសីហា ឆ្នាំ២០២២ វេលាម៉ោង១៩និង០០នាទី ត្រង់ចំណុចផ្ទះលេខ២២ ផ្លូវបេតុង បុរីកសិកម្មចំការដូង ស្ថិតនៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
ជនរងគ្រោះចំនួន៣នាក់មាន៖ ១-ឈ្មោះ ជ.ស អាយុ១៨ឆ្នាំ ជនជាតិខ្មែរ មុខរបរកម្មករលក់ផលិតផលអនឡាញ ។ ២-ឈ្មោះ ជ.សហ អាយុ២១ឆ្នាំ ជនជាតិខ្មែរ មុខរបរលក់ផលិតផលអនឡាញ និង៣-ឈ្មោះ ម៉េង សូណា ភេទស្រី អាយុ៣៤ឆ្នាំ ជនជាតិខ្មែរ មុខរបរលក់ផលិតផលអនឡាញ។ ទាំង៣នាក់ស្នាក់នៅផ្ទះលេខ២២ ផ្លូវបេតុង បុរីកសិកម្មចំការដូង ស្ថិតនៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
នគរបាលបានឲ្យដឹងថា ជនសង្ស័យមានឈ្មោះ ឃួន សារ៉េត ភេទប្រុស អាយុ៤៦ឆ្នាំ ជនជាតិខ្មែរ មុខរបរកសិករ ទីលំនៅភូមិហប់ ឃុំគោកខ្ចក ស្រុកកំពង់ត្របែក ខេត្តព្រៃវែង ត្រូវបានសមត្ថកិច្ចឃាត់ខ្លួននៅវេលាម៉ោង៧និង០០នាទី ថ្ងៃទី៣០ ខែសីហា ឆ្នាំ២០២២ ។
វត្ថុតាងចាប់យករួមមាន៖ ចិញ្ចៀនលោហធាតុពណ៌លឿង ដាំត្បូងពណ៌សចំនួន១វង់ , ខ្សែដៃលោហធាតុពណ៌លឿងចំនួន១ខ្សែ, ម៉ូតូម៉ាកហុងដាសេ១២៥ មួយគ្រឿង ពណ៌ខ្មៅ ពាក់ស្លាកលេខតាកែវ 1K-5383 ចំនួន១គ្រឿង, ទូរស័ព្ទដៃម៉ាកណូគាចុចពិលពណ៌ផ្កាឈូកចំនួន១គ្រឿង, កាបូបស្ពាយពណ៌ខ្មៅចំនួន១,គ្រឿងសក្ការៈមួយចំនួន។
បច្ចុប្បន្ន សមត្ថកិច្ចជំនាញនៃអធិការដ្ឋាននគរបាលខណ្ឌដង្កោ បានធ្វើការសាកសួរនិងកសាងសំណុំរឿងអនុវត្តបន្តតាមនីតិវិធី៕
