USAID ជួយសាងសង់ផ្លូវត្រីថ្មីចំនួនពីរដល់កម្ពុជានៅក្នុងខេត្ដពោធិ៍សាត់ ដើម្បីពង្រឹងធនធានជលផលក្នុងស្រុក

ភ្នំពេញ៖ មូលនិធិទីភ្នាក់ងារសហរដ្ឋអាមេរិក សម្រាប់ ការអភិវឌ្ឍ អន្តរជាតិ(USAID) បានផ្ដល់ ជំនួយ សាងសង់ផ្លូវត្រីថ្មីចំនួនពីរដល់កម្ពុជា ដែលធ្វើឱ្យត្រី និង បណ្តា សត្វ និង រុក្ខជាតិក្នុងទឹក ផ្សេង ទៀត នៅ កម្ពុជា នឹងអាចធ្វើដំណើរឡើងទៅផ្នែកខាងលើនៃទន្លេដោយវាង ចេញពី ប្រព័ន្ធ ធារា សាស្ត្រ នានា ដែលនាំឱ្យបរិមាណត្រី សម្រាប់សហគមន៍ ក្នុងខេត្ត ពោធិ៍ សាត់ មានការ កើន ឡើង។

ផ្លូវ ត្រី ដែលបានបញ្ចប់ការសាងសង់នៅថ្ងៃទី២៤ ខែសីហា ឆ្នាំ២០២២ បាន ភ្ជាប់ ត្រី ទៅនឹងទី ជម្រក ដ៏សំខាន់ សម្រាប់វដ្តជីវិតរបស់វា។ ផ្លូវត្រីទាំងនេះ ក៏បង្ហាញឱ្យឃើញ ផងដែរថា ជណ្តើរ ត្រីខ្នាតតូច គឺជាដំណោះស្រាយដែលយើងអាចធ្វើបាន និងធូរថ្លៃ ដើម្បី ឆ្លើយ តបទៅ នឹង ការ ថយ ចុះនៃចំនួនត្រី។ នេះបើយោងតាមសេចក្ដីប្រកាស ប្រកាសព័ត៌ មាន របស់ ស្ថាន ទូតអាម៉េរិកប្រចាំនៅកម្ពុជា។

លោកស្រី Rebecca Black នាយកបេសកកម្មស្តីទីនៃទីភ្នាក់ងារជំនួយអាម៉េរិក USAID បានបញ្ជាក់ថា ត្រីដែលនេសាទបានក្នុងស្រុក គឺជាប្រភព អាហារដ៏សំខាន់ សម្រាប់ប្រជា ជន កម្ពុជាជាច្រើន។ លោកស្រីបន្ថែមថា “តាមរយៈការការពារចំនួនត្រី និង ទីជម្រក របស់ វា យើង សង្ឃឹមថាផ្លូវត្រីទាំងនេះក៏នឹងរួមចំណែកដ៏សំខាន់ដល់ការ ធ្វើឱ្យប្រសើរឡើងដល់ សុខ ភាព សហគមន៍ដែលពឹងផ្អែកលើការនេសាទត្រីផងដែរ”។

ផ្លូវត្រីថ្មីនៅខេត្តពោធិ៍សាត់គឺជាផ្នែកមួយនៃគំនិតផ្តួចផ្តើម ជណ្តើរត្រីថ្នាក់តំបន់ (Fish Passage Initiative) ដែលសហការជាមួយរដ្ឋបាលជលផលកម្ពុជាគណៈកម្មការ ទន្លេមេគង្គ , មជ្ឈមណ្ឌលអភិវឌ្ឍន៍ជលផល អាស៊ីអាគ្នេយ៍, មជ្ឈមណ្ឌលអូស្ត្រាលីសម្រាប់ការស្រាវជ្រាវ កសិកម្មអន្តរជាតិ និងក្រសួងកសិកម្ម រុក្ខា ប្រមាញ់ និងនេសាទ របស់ ប្រទេសជប៉ុន។

គំនិត ផ្តួចផ្តើមដែលមានរយៈពេលប្រាំឆ្នាំដែលជាផ្នែកមួយនៃគម្រោងហេដ្ឋារចនាសម្ព័ន្ធ វៃឆ្លាត សម្រាប់ទន្លេមេគង្គ(USAID Smart Infrastructure for the Mekong)បានជួយដល់ បណ្តា ប្រទេសទន្លេមេគង្គក្រោម ក្នុងការរៀប ចំសារពើភ័ណ្ឌនិងកំណត់អាទិភាព នៃឧបសគ្គ ចំពោះ ជណ្តើរត្រី ការបណ្តុះបណ្តាលអំពីការកសាងជណ្តើរត្រីព្រមទាំងការសម្រប សម្រួល រវាង នាយកដ្ឋានធារាសាស្ត្រ និងនាយកដ្ឋានជលផលទូទាំងតំបន់មេគង្គក្រោម ដើម្បីដោះ ស្រាយបញ្ហាប្រឈមឆ្លងដែននេះ។

សូមជម្រាបជូនថា រដ្ឋបាលជលផលកម្ពុជា បានសហការជាមួយទីភ្នាក់ងារ ជំនួយ អាម៉េរិក USAID ក្នុងការសាងសង់ផ្លូវត្រីបង្ហាញចំនួនពីរក្នុងឆ្នាំ ២០១៩ និង ២០២១។ ការ តាម ដានទីតាំងទាំងពីរនេះ បាន បង្ហាញ ថាមានត្រីជាង មួយលានក្បាល ត្រូវជាជាង១០០ ប្រភេទ ពូជត្រី បានឆ្លងកាត់ផ្លូវត្រីនេះ ដើម្បីទៅកាន់ទីជម្រករបស់វាដែលមិន អាចទៅ ដល់ កាលពីមុនដែលមានចង្ងាយជាង ២ ០០០ គីឡូម៉ែត្រ។

ទីភ្នាក់ងារជំនួយ អាម៉េរិក USAID និង អង្គការដៃគូបានចុះទៅពិនិត្យផ្លូវត្រីដែល ទើបសាង សង់ ថ្មីកាល ពីថ្ងៃទី ២៩ ខែសីហា ឆ្នាំ២០២២ ដើម្បីពិភាក្សាអំពីអត្ថប្រយោជន៍ របស់ គម្រោង ជាមួយ ថ្នាក់ដឹកនាំមូលដ្ឋាន និង ជំរុញ ការ អភិវឌ្ឍផែនការទូលំទូលាយសម្រាប់ផ្លូវត្រីទូទាំង ប្រទេសកម្ពុជានិងក្នុងតំបន់។ ចំពោះគំនិត ផ្តួចផ្តើមនេះត្រូវបានគាំទ្រដោយទីភ្នាក់ងារជំនួយ អាម៉េរិក USAID និងក្រសួង មហាផ្ទៃរបស់សហរដ្ឋអាមេរិក៕ ប្រភពៈ ក្រសួងព័ត៌មាន