ឯកឧត្តម វ៉ា ថន អញ្ជើញប្រកាសចូលកាន់មុខតំណែងអភិបាល នៃគណៈអភិបាលស្រុកឆ្លូង
ភ្នំពេញ៖ រដ្ឋបាលស្រុកឆ្លូង នាព្រឹកថ្ងៃទី២៩ ខែសីហា ឆ្នាំ២០២២ បានរៀបចំពិធីប្រកាស លោកស្រី គង់ លឹមហូ ចូលកាន់មុខតំណែងជា អភិបាល នៃគណៈអភិបាលស្រុកឆ្លូង ក្រោមអធិបតីភាពឯកឧត្តម វ៉ា ថន អភិបាលខេត្តក្រចេះ ។
ដោយមានការអញ្ជើញចូលរួមក្នុងឱកាសនេះរួមមាន៖ ឯកឧត្តម អភិបាលរងខេត្ត លោកនាយករដ្ឋបាលសាលាខេត្ត លោកស្រីនាយករងរដ្ឋបាលសាលាខេត្ត នាយកទីចាត់ការ ប្រធានអង្គភាពចំណុះសាលាខេត្ត លោកស្នងការ លោកមេបញ្ជាការកងកំលាំងប្រដាប់អាវុធ លោក លោកស្រីប្រធានមន្ទីរ អង្គភាពជុំវិញខេត្ត លោកប្រធានក្រុមប្រឹក្សាក្រុង ស្រុក លោក លោកស្រីអភិបាលក្រុង ស្រុក មន្ត្រីរាជការសាលាស្រុក និងលោក លោកស្រីមេឃុំ យ៉ាងច្រើនកុះករ៕
