រដ្ឋបាលខេត្តកណ្តាល បិទវគ្គបណ្តុះបណ្តាលតម្រង់ទិសស្ដីពីការគ្រប់គ្រងរដ្ឋបាលឃុំ-សង្កាត់ ដល់សមាជិកក្រុមប្រឹក្សាឃុំ-សង្កាត់ មកពីស្រុកចំនួន៤ ក្នុងខេត្តកណ្ដាលដែលទើបជាប់ឆ្នោតថ្មី

ភ្នំពេញ៖ លោក គ្រុយ ម៉ាឡែន នាយករដ្ឋបាលសាលាខេត្តកណ្តាល បានអញ្ជើញ បិទ វគ្គ បណ្ដុះបណ្ដាល តម្រង់ទិស សម្រាប់ ក្រុមប្រឹក្សាឃុំ សង្កាត់ ជាប់ឆ្នោត ថ្មី ក្នុងការ បោះឆ្នោត ជ្រើសរើស ក្រុមប្រឹក្សាឃុំ សង្កាត់ អាណត្តិ ទី ៥ ឆ្នាំ ២០២២ នាថ្ងៃទី២៣ ខែសីហា ឆ្នាំ ២០២២ នៅសាលាខេត្តកណ្តាល។

ក្នុងពិធីវគ្គ បណ្ដុះបណ្ដាល នេះ លោក គ្រុយ ម៉ាឡែន នាយករដ្ឋបាល បានមានប្រសាសន៍ថា៖ ដើម្បី សម្រេចបាន គោលបំណង យុទ្ធសាស្ត្រ របស់ រាជរដ្ឋាភិបាល ដាក់ ឲ្យ ប្រើប្រាស់ ជា ផ្លូវការ នូវ កម្មវិធី ជាតិ សម្រាប់ ការអភិវឌ្ឍ តាមបែប ប្រជាធិបតេយ្យ នៅ ថ្នាក់ក្រោម ជាតិ ដំណាក់កាល ទី ២ ( ឆ្នាំ ២០២១-២០៣០) លោក គ្រុយ ម៉ាឡែន បានសំណូមពរ សូមឱ្យ សមាជិក សមាជិកា ក្រុមប្រឹក្សាឃុំ សង្កាត់ ជាប់ឆ្នោត ថ្មី ក្នុងការ បោះឆ្នោត ជ្រើសរើស ក្រុមប្រឹក្សាឃុំ សង្កាត់ អាណត្តិ ទី ៥ ឆ្នាំ ២០២២ នេះ ត្រូវតែ ខិតខំ កែប្រែ ឥរិយាបថ របស់ខ្លួន ក្នុងការ បំពេញ តួនាទី ឱ្យមាន លក្ខណៈ ល្អប្រសើរ ។ ត្រូវមាន ភាពជា តំណាង សាធារណៈ ស្វ័យភាព របស់ មូលដ្ឋាន ការពិគ្រោះ យោបល់ ការចូលរួម ការឆ្លើយ តប និង គណនេយ្យភាព ការលើកកម្ពស់ គុណភាព ជីវិត របស់ ប្រជាជន នៅ មូលដ្ឋាន ។

បន្ថែម ពីនេះ ទៀត សូម សមាជិក សមាជិកា ក្រុមប្រឹក្សាឃុំ សង្កាត់ យកទៅ អនុវត្តតាម មូលដ្ឋាន ឲ្យ បានល្អ ប្រសើរ ពិសេស គឺ ផ្សព្វផ្សាយ ឱ្យបាន ទូលំទូលាយ នូវ សមត្ថភាព និង ជំនាញ ដែល ខ្លួន បាន សិក្សា រយៈពេល ២ ថ្ងៃ កន្លងមកនេះ ឱ្យមាន តម្លាភាព និង ប្រសិទ្ធភាព ខ្ពស់ ។

លោកបានបន្តថា៖ ការបោះឆ្នោតជ្រើសរើសក្រុមប្រឹក្សានៅថ្នាក់ឃុំ-សង្កាត់ គឺជាការជំរុញកិច្ចដំណើរការអនុវត្តកំណែទម្រង់ វិមជ្ឈការ និងវិសហមជ្ឈការនៅរដ្ឋបាលថ្នាក់ក្រោមជាតិ ដែលកំណែទម្រង់នេះបានដើរតួនាទីយ៉ាងសំខាន់ ក្នុងការលើកកម្ពស់អភិបាលកិច្ចនៅថ្នាក់ឃុំ-សង្កាត់ តាមគោលការណ៍អភិវឌ្ឍតាមបែបប្រជាធិបតេយ្យនៅថ្នាក់មូលដ្ឋាន។

ក្នុងឱកាសនោះលោក គ្រុយ ម៉ាឡែន ក៏បានផ្តាំផ្ញើដល់លោក លោកស្រី នៅពេលត្រឡប់ទៅបំពេញការងារនៅតាមរដ្ឋបាលឃុំ-សង្កាត់វិញ សូមលោក លោកស្រី យកចំណេះដឹងដែលទទួលបាននៅក្នុងវគ្គបណ្តុះបណ្តាលនេះទៅឆ្លុះបញ្ចាំងប្រើប្រាស់ និងកែច្នៃនៅក្នុងការបំពេញការងាររបស់ខ្លួន ដើម្បីដុសខាត់ចំណេះដឹង និងសមត្ថភាពរបស់យើងឱ្យកាន់តែប្រសើរថែមទៀត។

សូមបញ្ជាក់ថា៖ វគ្គបណ្តុះបណ្តាលតម្រង់ទិសនេះរយៈពេល០២ថ្ងៃ ស្រុកចំនួន០៤ ដែលទទួលបានវគ្គបណ្ដុះបណ្ដាល រួមមានស្រុកកោះធំ ស្រុកល្វាឯម ស្រុកមុខកំពូល និងស្រុកពញាឮមានសមាជិកក្រុមប្រឹក្សាឃុំ-សង្កាត់ ចំនួន១៥២នាក់ ៕