សម្ដេច ស ខេង លើកទឹកចិត្តឱ្យពន្លឿនការបណ្ដុះបណ្ដាលសិស្សនគរបាលដែលប្រឡងចប់ឱ្យឆាប់ មិនត្រូវពន្យារពេលទុកយូរ នាំឱ្យប៉ះពាល់ដំណើរការកំណែទម្រង់និងគុណភាព

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមានប្រសាសន៍លើកទឹកចិត្តឱ្យប្រធានបណ្ឌិត្យសភានគរបាលកម្ពុជា ពន្លឿនការបណ្ដុះបណ្ដាលសិស្សនគរបាល ដែលប្រឡងចប់ឱ្យឆាប់ មិនត្រូវពន្យារពេលទុកយូរ ដែលនាំឱ្យប៉ះពាល់ដល់ដំណើរការកំណែទម្រង់និងគុណភាព ប្រតិបត្តិការរបស់កម្លាំងនគរបាល។

សម្ដេចបានមានប្រសាសន៍បែបនេះក្នុងពិធីសំណេះ សំណាល និងសួរសុខទុក្ខសិស្សនគរ បាលវគ្គបណ្តុះបណ្តាលកម្រិតបឋមវិជ្ជាជីវៈនគរបាលជំនាន់ទី១៥លើកទី២ នៅសាលានគរបាលជាតិភូមិភាគ១ខេត្តស្ទឹងត្រែងថ្ងៃទី២៣សីហាឆ្នាំ២០២២។

សម្ដេច ក្រឡាហោមស មានប្រសាសន៍ថា ភាពចន្លោះប្រហោងនេះយើងមិនអាចទុកឱ្យនៅអូសបន្លាយទេ គឺត្រូវតែពង្រឹងនិងពង្រីកកម្លាំងឱ្យបានឆ្លើយតបទៅនឹងតម្រូវការចាំបាច់ទាំងនៅថ្នាក់ជាតិនិងនៅមូលដ្ឋាន។

សម្ដេចកបញ្ជាក់ថា “យើងបានធ្វើការកំណែទម្រង់រួចទៅហើយចំពោះការជ្រើសរើសមន្ត្រីនគរបាល ដែលពីមុនយើងជ្រើសរើសហើយ បានបែងចែក តែបច្ចុប្បន្នយើងបែងចែកហើយបានជ្រើស រើស គឺនៅមូលដ្ឋានណាត្រូវជ្រើសរើសចេញពីមូលដ្ឋាននោះព្រោះនេះជាកម្លាំងរឹងមាំសម្រាប់បម្រើការងារ បើមូល ដ្ឋានមានសុវត្តិភាពល្អយើងទូទាំងប្រទេសក៏មានសន្តិសុខសុវត្តិភាពល្អដែរ។លើកក្រោយយើងត្រូវតែរកវិធីដោះស្រាយ ចៀសវាងការប្រឡងមួយឆ្នាំហើយមិនបានចូលរៀនមិនបានធ្វើការ អ៊ីចឹងហើយយ៉ាងយូរពីរខែ៣ ខែមិនដល់ផង ធ្វើម៉េចចាត់ចែងឱ្យបាន ដើម្បីមករៀនមករៀនតែម្ដង ប្រឡងចប់ ដូចខ្ញុំបានបញ្ជាក់ខាងលើអម្បាញ់មិញអ៊ីចឹង កាលណាយើងមានកន្លែងរៀនចប់ហើយ គឺទុកពេល វេលានៅសេសសល់របស់យើងធ្វើវិក្រឹតការវិញ ដល់ឆ្នាំក្រោយយើងហៅមកធ្វើវិក្រឹតការទៀត ឱ្យវាមានកម្មវិធីវ៉ុលចប់ “។

សម្ដេច ស ខេង បញ្ជាក់ទៀតថា យើងរៀននៅសាលាយើងដឹងទ្រឹស្ដី ប៉ុន្តែយើងទៅមូលដ្ឋានយើងដឹងការជាក់ស្ដែង ការជាក់ស្តែងមានបទពិសោធន៍ អ៊ីចឹងយើងត្រឡប់មកវិញយើងប្រមូលបទពិសោធន៍មកឱ្យសាលាឱ្យគ្រូ គ្រូក៏រៀនហើយសិក្ខាកាមនគរបាលយើងដែលបានចេញទៅប្រតិបត្តិការនិងក៏បានមេរៀនពីមូល ដ្ឋានមកដែរ ។ អាហ្នឹងវាមានការអភិវឌ្ឍហើយ ពីព្រោះមិនងាយអ្នកណានឹកឃើញទេទ្រឹស្ដីគេអាចធ្វើការចងក្រង ប៉ុន្តែការជាក់ ស្ដែងនឹកឃើញទាំងអស់ទេបទពិសោធន៍ទាល់តែឆ្លងកាត់”។

ចំណែក នាយឧត្តម សេនីយ៍សាស្ត្រាចារ្យសេងផល្លីប្រធានបណ្ឌិត្យសភានគរបាលកម្ពុជាមាន ក៏បានប្រសាសន៍ទទួលស្គាល់ថា ការរៀបចំកិច្ចការវគ្គបណ្តុះ បណ្តាលនេះ នៅមានភាព យឺតយ៉ាវខ្លះៗមែនដោយសារកន្លងមកប្រទេសកម្ពុជាយើងបានរងផលប៉ះពាល់ពីជំងឺកូវីដ១៩ផង ។

ឯកឧត្តមបន្ថែមថា ចាប់ពីឆ្នាំ២០២០- ២០២១ មកនៅសល់សិស្សជាង ១០០០នាក់ទៀតមិនទាន់បានចូលរៀនវគ្គបណ្តុះ បណ្តាល ហើយបន្ទាប់ពីវគ្គនេះទៅសាលានគរបាលសភាកម្ពុជានឹងរៀបចំបើកវគ្គនៅ ក្នុងខែកញ្ញាឆ្នាំ២០២២ដ៏ឆាប់ខាងមុខនេះហើយ។

សូមបញ្ជាក់ថា ក្នុងពិធីសំណេះសំណាលនិងសួរសុខ ទុក្ខសិស្សនគរបាលវគ្គបណ្តុះ បណ្តាលកម្រិតបឋមវិជ្ជាជីវៈនគរបាលជំនាន់ទី១៥លើកទី២នៅសាលានគរបាលជាតិ ភូមិភាគ១ខេត្តស្ទឹងត្រែងនេះ សម្ដេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានប្រកាសផ្តល់ការសាងសង់សាលាបណ្តុះបណ្តាលមួយខ្នងបន្ថែម រថយន្តមួយគ្រឿង ស្ថាបនាផ្លូវបេតុងប្រវែង ១.៦០០ម៉ែត្រនិងប្រព័ន្ធលូប្រវែង៥០០ម៉ែត្រ និងបានផ្តល់ថវិកាដល់សិក្ខាកាម នគរបាល១១៨នាក់ក្នុងម្នាក់១០ម៉ឺនរៀល ៕