បង្រ្កាបការធ្វើអាជីវកម្មបារីអេឡិកត្រូនិក និងផលិតផល HTPs នៅក្រុងស្ទឹងត្រែង
ភ្នំពេញ៖ មន្ត្រីអនុវត្តច្បាប់ នៃការិយាល័យប្រឆាំងគ្រឿងញៀន បានធ្វើការបង្រ្កាបការធ្វើអាជីវកម្មបារីអេឡិកត្រូនិក និងផលិតផល HTPs ដោយឃាត់ខ្លួនជន សង្ស័យឈ្មោះ ធីម ពិសី ភេទស្រី អាយុ ៣០ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិកណ្តាល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។
ការបង្ក្រាបនេះបានធ្វើឡើង កាលពីថ្ងៃទី២១ ខែសីហា ឆ្នាំ២០២២ វេលាម៉ោង ០១ :០០នាទី រំលងអាធ្រាត្រ នៅចំណុច ផាប់ BLACK NIGHT ស្ថិតនៅភូមិកណ្តាល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដោយចាប់យកវត្ថុតាងបានមួយចំនួន ។
នៅថ្ងៃខែឆ្នាំដដែល វេលាម៉ោង ០៦:០០នាទីព្រឹក បានបន្តឆែកឆេរផ្ទះជួលរបស់ឈ្មោះ ធីម ពិសី និងឃាត់ខ្លួនបានជនសង្ស័យចំនួន ២នាក់ ១. ឡាង ចន្ថា ភេទប្រុស អាយុ ៦០ឆ្នាំ មុខរបរកសិករ អាស័យដ្ឋានបច្ចុប្បន្នភូមិថាឡាបរិវ៉ាត់ ឃុំថាឡាបរិវ៉ាត់ ខេត្តស្ទឹងត្រែង។
២. សុខ លាង ភេទស្រី អាយុ ៥៩ឆ្នាំ មុខរបរកសិករ អាស័យដ្ឋានបច្ចុប្បន្នភូមិថាឡាបរិវ៉ាត់ ឃុំថាឡាបរិវ៉ាត់ ខេត្តស្ទឹងត្រែង ដោយចាប់យកវត្ថុតាងបានមួយចំនួន ។
វត្ថុតាងសរុបរួមមាន៖ ១. បារីអេឡិកត្រូនិកចំនួន ៥២៧គ្រឿង, ២. ម៉ាស៊ីនវេបចំនួន ២៨គ្រឿង, ៣. ទឹកដំណាប់(ទឹកវេប)ចំនួន ៩០ដប, ៤.ក្បាលម៉ាស៊ីនវេបចំនួន ៣០ប្រអប់, ៥.ក្បាលបារីអេឡិកត្រូនិកចំនួន ៩៥ប្រអប់។
បច្ចុប្បន្នជនសង្ស័យ និងវត្ថុតាងខាងលើ មន្រ្តីអនុវត្តច្បាប់នៃការិយាល័យប្រឆាំងគ្រឿងញៀនបានឃាត់ខ្លួន និងកំពុងរៀបចំសំណុំរឿង បញ្ជូនជនសង្ស័យរួមនឹងវត្ថុតាង ទៅអយ្យការអមសាលាដំបូងខេត្ត និងបន្តស្វែងរកមុខសញ្ញាពាក់ព័ន្ធផ្សេងទៀតដើម្បីចាត់ការតាមនិតិវិធីច្បាប់។
ក្នុងកិច្ចប្រតិបត្តិការណ៍នេះផងដែរ កម្លាំងបានការឃាត់ខ្លូនយុវជន យុវតី សរុប ៤០នាក់ និងធ្វើកិច្ចសន្យា ប្រគល់ឲ្យអាណាព្យាបាលយកទៅអប់រំបន្ត៕
