ភ្នំពេញ៖ យោងតាមរបាយការណ៍របស់ ការិយាល័យកងរាជអាវុធហត្ថខេត្តតាកែវ បានឱ្យដឹងថា នៅថ្ងៃទី១៦ ខែសីហា ឆ្នាំ២០២២ ការិយាល័យព្រហ្មទណ្ឌកងរាជអាវុធហត្ថ ខេត្តតាកែវ បានទទួលជនសង្ស័យម្នាក់ ដែលពាក់ព័ន្ធនឹងករណី អំពើលួច (ទូរស័ព្ទ) ត្រង់ចំណុចបន្ទប់ជួលស្ថិតនៅភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ ពីជនរងគ្រោះឈ្មោះ ស៊ិន ជាសាវ៉ាន ភេទស្រី អាយុ ៥៨ឆ្នាំ មុខរបរអាជីវករ រស់នៅភូមិចក សង្កាត់រកាក្នុង ក្រុងដូនកែវ ខេត្តតាកែវ ។
ជនសង្ស័យមាន ឈ្មោះ ប៉ន ពៅ ភេទស្រី អាយុ ៣៨ឆ្នាំ មុខរបរមិនពិតប្រាកដ មានស្រុកកំណើតនៅ ភូមិដំណាក់ស្វាយ ឃុំល្វេ ស្រុកកោះសូទិន ខេត្តកំពង់ចាម បច្ចុប្បន្នរស់នៅបន្ទប់ជួលស្ថិតនៅភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ។
ក្រោយការឃាត់ខ្លួនបច្ចុប្បន្ន ការិយាល័យជំនាញកំពុងកសាងសំណុំរឿង បញ្ជូនជនសង្ស័យ និង ទាំងវត្ថុតាង ទៅសាលាដំបូងខេត្តតាកែវ៕
