ក្រសួងអប់រំ ប្តេជ្ញាពង្រឹងគុណភាពអប់រំ វិទ្យាសាស្ត្រ និងបច្ចេកវិទ្យា ដោយផ្តោតលើអាទិភាពចំនួន ៧ចំណុច
ភ្នំពេញ៖ យុវជន និងកីឡា បានប្តេជ្ញាពង្រឹងគុណភាពអប់រំ វិទ្យាសាស្ត្រ និងបច្ចេកវិទ្យា ដោយផ្តោតលើអាទិភាពចំនួន ៧ចំណុច ដើម្បីធ្វើឱ្យមានប្រសិទ្ធភាពក្នុងការ កែទម្រង់វិស័យអប់រំយុវជននិងកីឡា ២០១៨-២០២៣ ។
ឯកឧត្តម រស់ សុវាចា អគ្គលេខាធិការ នៃអគ្គលេខាធិការដ្ឋានគណៈកម្មការ ទទួលស្គាល់គុណភាពអប់រំកម្ពុជា និងជាអ្នកនាំពាក្យរបស់ក្រសួងអប់រំ បានមានប្រសាសន៍ថា ក្នុងអាណត្តិទី៦ សម្តេចតេជោហ៊ុន សែន នាយករដ្ឋ មន្រ្តីនៃកម្ពុជា បានដាក់ចេញយុទ្ធសាស្ត្រចតុកោណដំណាក់កាលទី៤ ដោយបានចាត់ទុកការអភិវឌ្ឍធនធាន មនុស្ស ជាអាទិភាពទី១ ហេតុនេះទើបក្រសួងអប់រំ យុវជននិងកីឡា ខិតខំប្រឹង ប្រែងក្នុងកែទម្រង់វិស័យអប់រំយុវជននិងកីឡា២០១៨- ២០២៣ ដើម្បីពង្រឹងវិស័យអប់រំ លើកកម្ពស់សមត្ថភាពនិងជំនាញរបស់យុវជន ឱ្យឆ្លើយតបនឹងការអភិវឌ្ឍរបស់សង្គមជាតិ ។
ថ្លែងក្នុងសន្និសីទសារព័ត៌ មានស្តីពី «សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងអប់រំ យុវជន និងកីឡា» នៅព្រឹកថ្ងៃទី១៦ ខែសីហា នាទីស្តីការគណៈរដ្ឋមន្ត្រី ឯកឧត្តម រស់ សុវាចា បានបញ្ជាក់ថា អាទិភាទាំងព ៧ចំណុច ដែលមាននៅក្នុងការពង្រឹងគុណភាពអប់រំ វិទ្យាសាស្ត្រនិងបច្ចេកវិទ្យារួមមាន៖ ១. ការយកចិត្តទុក ដាក់លើគ្រូបង្រៀន ២. ការ ពង្រីកវិសាលភាពសាលារៀនគ្រប់កម្រិត ៣. ការពង្រឹងអធិការកិច្ចគ្រប់ជ្រុងជ្រោយលើការគ្រប់គ្រងសាលារៀន ៤. ការជំរុញការអប់រំបច្ចេក ទេសនៅមធ្យមសិក្សាទុតិយ ភូមិ ៥. ការអប់រំបំណិនឱ្យស្របតាមទីផ្សារការងារ ៦. ការអភិវឌ្ឍកម្មវិធីសិក្សានិងសៀវភៅសិក្សាគោលគ្រប់ ជ្រុងជ្រោយ និងទី៧. ការត្រៀមប្រកួតកីឡាស៊ីហ្គេមឆ្នាំ២០២៣ ។
ឯកឧត្ដមគូសបញ្ជាក់ថា «រយ:ពេល៥ឆ្នាំកន្លងមកនេះ ក្រសួងអប់រំ បានដាក់ចេញនូវយុទ្ធសាស្រ្តកំណែ ទម្រង់អប់រំយុវជន និងកីឡា ឆ្នាំ២០១៨-២០២៣ ក្នុងអាណត្តិទី៦ សម្តេចតេជោនាយករដ្ឋមន្រ្តី បានដាក់ចេញយុទ្ធសាស្ត្រចតុកោណដំណាក់កាលទី៤ ដោយបានចាត់ទុកការអភិវឌ្ឍធនធាន មនុស្ស ជាអាទិភាពទី១ ក្រសួងអប់រំ បានបេជ្ញាសម្រេចចិត្តឱ្យបាននូវមុំទី១ ស្តីពី ពង្រឹងគុណ ភាពអប់រំ វិទ្យាសាស្រ្ត និងបច្ចេកវិទ្យា ដែលផ្តល់អាទិភាពចំនួន ៧ចំណុច» ។
ឯកឧត្តមបានបន្ថែមថា ក្រសួងអប់រំ បានធ្វើមូលដ្ឋាននីយកម្មគោលដៅ អភិវឌ្ឍន៍ប្រកបដោយចីរភាព ស្ដីពីការអប់រំឆ្នាំ២០៣០ និងផែនការយុទ្ធសាស្ត្រវិស័យអប់រំ ២០១៩-២០២៣ ដែលមានគោលនយោបាយចំនួន ២ រួមមាន ១. ការធានាការ អប់រំគុណភាពប្រកបដោយសមធម៌ បរិយាបន្ន និងលើកកម្ពស់ឱកាសក្នុងការសិក្សាពេញមួយជីវិតសម្រាប់ទាំងអស់គ្នា ទី២.ធានាភាពស័ក្តិសិទ្ធនៃភាពជាអ្នកដឹកនាំ ក្នុងគ្រប់គ្រងរបស់មន្ត្រីអប់រំគ្រប់លំដាប់ ៕
