ថ្នាក់ដឹកនាំខេត្តបន្ទាយមានជ័យ អញ្ជើញជួបសំណេះសំណាលជាមួយ ប្រជាពលរដ្ឋមកបំពេញព័ត៌មានធ្វើប័ណ្ណកម្មសិទ្ធ នៅតំបន់បញ្ចប់ទំនាស់

ភ្នំពេញ៖ ឯកឧត្តម ប៉ាន់ ខែមប៊ុនថន នាយករងខុទ្ទការល័យ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា, ឯកឧត្តម អ៊ុ រាត្រី អភិបាលខេត្តបន្ទាយមានជ័យ និងក្រុមការងារ នៅថ្ងៃទី១៥ ខែសីហា ឆ្នាំ២០២២ បានអញ្ជើញជួបសំណេះសំណាលជាមួយប្រជាពលរដ្ឋ មកបំពេញព័ត៌មានធ្វើប័ណ្ណកម្មសិទ្ធ (ប្លង់រឹង) នៅតំបន់បញ្ចប់ទំនាស់។

សូមបញ្ជាក់ថា ប្រជាពលរដ្ឋច្រើនគ្រួសារ នៅភូមិបឹងជ្រុកតេជោឈ្នះឈ្នះ ក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យ បានសប្បាយរីករាយ និងរួសរាន់សស្រាក់សស្រាំ នាំយកឯកសារបញ្ជាក់អត្តញ្ញាណផ្សេងៗ មកបង្ហាញដល់មន្រ្តីសុរិយោដី ដើម្បីបំពេញព័ត៌មានធ្វើប័ណ្ណកម្មសិទ្ធ (ប្លង់រឹង) ដែលជាអំណោយដ៏ថ្លៃថ្លារបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

សូមជម្រាបជូនដែរ មុននឹងឈានដល់ចំណុចនេះ ក្រុមការងារបញ្ចប់វិវាទដីធ្លី ក្រោមគោលនយោបាយឈ្នះឈ្នះ ដឹកនាំដោយឯកឧត្តម ប៉ាន់ ខែមប៊ុនថន នាយករងខុទ្ទការល័យសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា សហការជាមួយគណៈកម្មការខេត្តដោះស្រាយដីធ្លី បានបញ្ចប់ទាំងស្រុងនូវវិវាទដីធ្លីនេះ និងនាំមកនូវការអភិវឌ្ឍន៍ជាក់ស្តែងនៅទីតាំងតែម្តង៕ ប៉ាន់ ខែមប៊ុនថន