នគរបាលស្រុកគិរីវង់ ឃាត់ខ្លួនជនសង្ស័យ ២នាក់ ពាក់ព័ន្ធករណីគ្រឿងញៀន
ភ្នំពេញ៖ ដោយមានយកចិត្តទុកដាក់ពីសំណាក់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានសម្របសម្រួលនិតិវិធីច្បាប់ ពីឯកឧត្តម ឯក ឆេងហួត ព្រៈរាជអាជ្ញាអមសាលាដំបូងខេត្តតាកែវ នៅថ្ងៃសៅរ៍ ទី១៣ ខែសីហា ឆ្នាំ២០២២ កម្លាំងជំនាញគ្រឿងញៀនស្រុកបានសហការជាមួយកម្លាំងប៉ុស្តិ៍នគរបាលរដ្ឋបាលព្រៃអំពក ដឹកនាំបញ្ជាដោយលោកវរសេនីយ៍ឯក យុគ សារ៉ាត់ អធិការនគរបាលស្រុក អោយកម្លាំងចេញល្បាតតាមភូមិសាស្រ្តសំខាន់ៗ លុះដល់ចំណុចផ្លួវឡើងដុបមហាសី(កន្លែងដុតធូបយាយម៉ៅ )ស្ថិតក្នុងភូមិឈើ ទាលភ្លោះ ឃុំព្រៃអំពក ស្រុកគិរីវង់ ខេត្តតាកែវ។
ឃាត់ខ្លួនសង្ស័យចំនួន០២ នាក់រួមមាន ៖
១▪️ ឈ្មោះ ឈិន សុវណ្ណ (ហៅម៉ុល) ភេទប្រុស អាយុ ៥២ឆ្នាំ មុខរបរកសិករ មានទីលំនៅភូមិឈើទាលភ្លោះ ឃុំព្រៃអំពក ស្រុកគិរីវង់ ខេត្តតាកែវ។
២▪️ឈ្មោះ ង៉ែត ថាច ភេទប្រុស អាយុ២៤ឆ្នាំ មានទីលំនៅភូមិពុម្ហអិដ្ឋ ឃុំព្រៃអំពក ស្រុកគិរីវង់ ខេត្តតាកែវ។ ក្នុងនោះសមត្ថកិច្ចយើងដកហូតវត្ថុតាងរួមមាន ម្សៅក្រាមថ្លាពណ៍សចំនួន ០២កញ្ចប់ ,ម៉ូតូ០១គ្រឿងម៉ាកហុដា(ចាស់), ទូរស័ព្ទ០១គ្រឿងម៉ាកOPPO (ចាស់) និងសម្ភារៈប្រើប្រាស់សារធាតុញៀនមួយចំនួន ។
បច្ចុប្បន្នកំម្លាំងជំនាញកំពុងធ្វើការសាកសួរ និងកសាងសំណុំរឿងតាម និតិវិធីច្បាប់ ៕
