ឯកឧត្តម ជិន ម៉ាលីន ចូលរួមជាគណៈកម្មការដាក់ពិន្ទុ ក្នុងកម្មវិធីជជែកដេញដោល យុវជនថ្នាក់ជាតិឆ្នាំ២០២២

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ តាមការចាត់តាំងរបស់ឯកឧត្តមរដ្ឋមន្រ្តី នាព្រឹកថ្ងៃទី១២ ខែកក្កដា ឆ្នាំ២០២២ បានចូលរួមជាគណៈកម្មការដាក់ពិន្ទុ ក្នុងកម្មវិធីជជែកដេញដោល យុវជនថ្នាក់ជាតិឆ្នាំ២០២២ រៀបចំដោយក្រសួងអប់រំយុវជននិងកីឡា។

កម្មវិធីជជែកដេញដោលយុវជនថ្នាក់ជាតិឆ្នាំ ២០២២ វគ្គផ្តាច់ព្រ័ត្រនេះ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា។ កម្មវិធីនេះត្រូវបានប្រារព្ធនៅមជ្ឍមមណ្ឌលម៉ានី អគារ Kampus និងមានចូលរួមពី ព្រះភិក្ខុវប្បញ្ញោ ឯកឧត្តម លោកជំទាវ គណៈកម្មការ គ្រូបង្វឹក លោកគ្រូអ្នកគ្រូ អាណាព្យាបាល សិស្សានុសិស្ស និង ភ្ញៀវកិត្តិយសផ្សេងទៀត។

ការប្រកួតផ្តាច់ព្រ័ត្រនេះធ្វើឡើង រវាងក្រុមស្របមកពីសាលាប៊ែលធីអន្តរជាតិ រាជធានីភ្នំពេញ និងក្រុមបដិសេធមកពីវិទ្យាល័យ ហ៊ុនសែនប្រាសាទបាគង ខេត្តសៀមរាប។ ជាលទ្ធផល ក្រុមបដិសេធទទួលបានជ័យលាភីលេខ ១ ៕