សត្វព្រៃក្នុងតំបន់កាពារធម្មជាតិខេត្តកំពង់ធំ រងការគំរាមកំហែងដោយសារការបរបាញ់ ជាច្រើនឆ្នាំកន្លងមកនេះ
ភ្នំពេញ៖ លោក ចាន់ ដារ៉ា អភិបាលរងខេត្តកំពង់ធំ បានលើកឡើងថា ជាច្រើនឆ្នាំនេះសត្វព្រៃគ្រប់ប្រភេទនៅក្នុងតំបន់កាពារធម្មជាតិនៅក្នុងភូមិសាស្រ្តខេត្តកំពង់ធំនេះ កំពុងនឹងទទួលរងការគំរាមកំហែងដោយសារការបរបាញ់ដោយប្រើកំភ្លើងកែច្នៃនឹងអន្ទាក់រួមផ្សំនឹងការបាត់បង់ព្រៃឈើ ដែលជាច្រករបៀងជាទីជំរកដែលមិនអាចគ្មានអ្វីមកជំនួសបានសំរាប់ការបន្លាល់ទីតាមរដូវដើម្បីចិញ្ចឹមជីវិតការបង្កាត់នឹងការបន្តពូជ។
ថ្លែងនៅក្នុងយុទ្ធនាការអន្ទាក់សូន្យនៅ ខេត្តកំពង់ធំ នាថ្ងៃទី១២ ខែសីហា ឆ្នាំ២០២២នេះ លោក ចាន់ ដារ៉ា បានបញ្ជាក់ថា ទោះបីជាយ៉ាងណាក៏ដោយ មន្ទីរបរិស្ថាននឹងខេត្តកំពង់ធំ នៅតែខិតខំប្រឹងប្រែងតាមរយៈការទប់ស្កាត់នឹងបង្រ្គាបបទល្មើសធម្មជាតិដោយផ្ទាល់ផងដែរ។
លោកអភិបាលរងខេត្តកំពង់ធំបន្ថែមថា ព្រៃឈើក្នុងភូមិសាស្រ្តកំពង់ធំកំពុងត្រូវបានកាប់បំផ្លាញទំហំព្រៃឈើកាន់តែរួមតូចធ្វើឲ្យជីវចំរុះប្រពន្ធ័អេកូឡូស៊ីនៅក្នុងតំបន់ការពារធម្មជាតិត្រូវខូចខាតដែលជាមូលហេតុធ្វើអោយត្រូវបាត់បង់ជំរកដ៏មានសុវត្តិភាពច្រករមៀងដើម្បីឆ្លងកាត់ ដើម្បីរកចំនីនឹងទំនាក់ទំនងក្នុងសហគមន៍សត្វព្រៃដែលរស់នៅក្នុងតំបន់កាពារធម្មជាតិផ្សេងៗទៀត៕
