ឯកឧត្ដម សត ណាឌី និងលោកជំទាវ ឯម ផលាមុនី ជួបសំណេះសំណាលជាមួយ លោកគ្រូ អ្នកគ្រូ នៅសាលាបឋមសិក្សាព្រះឥន្ទកោសីយ៍
ភ្នំពេញ៖ ឯកឧត្ដម សត ណាឌី សមាជិកគណៈកម្មការទី៤ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ និងលោកជំទាវ ឯម ផលាមុនី សមាជិកាគណៈកម្មការទី១០ ព្រឹទ្ធសភា និងសមាជិកាក្រុមសមាជិកព្រឹទ្ធសភាប្រចាំភូមិភាគទី៤ នាព្រឹកថ្ងៃទី១០ ខែសីហា ឆ្នាំ២០២២ បានអញ្ជើញជួបសំណេះសំណាលជាមួយ លោកគ្រូ អ្នកគ្រូ នៅសាលាបឋមសិក្សាព្រះឥន្ទកោសីយ៍ ចំនួន ៣១នាក់ ដែលស្ថិតនៅភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប ។
ក្នុងឱកាសនោះ ឯកឧត្ដមក៏បានឧបត្ថម្ភថវិកាចំនួន៦,០០០ដុល្លារ សម្រាប់ធ្វើការសាងសង់អគារមតេ្តយ្យសិក្សា ៕
