ឧបនាយករដ្ឋមន្ត្រី យឹម ឆៃលី អញ្ជើញសម្ពោធដាក់ឲ្យ ប្រើប្រាស់ជាផ្លូវការអគារសិក្សា ទីចាត់ការ ខ្លោងទ្វារ របង និងសមិទ្ធផលនានា ក្នុងអនុវិទ្យាល័យពន្លៃ នៅស្រុកពញាក្រែក

ភ្នំពេញ៖ ឯកឧត្តមឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយ និងជាប្រធានក្រុមការងាររាជរដ្ឋាភិបាល និងគណបក្សចុះមូលដ្ឋានខេត្តកំពង់ចាម ព្រមទាំងលោកជំទាវ ទន់ ខុន យឹម ឆៃលី នាព្រឹកថ្ងៃទី១០ សីហា បានអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការអគារសិក្សា ទីចាត់ការ ខ្លោងទ្វារ របង និងសមិទ្ធផលនានា ក្នុងអនុវិទ្យាល័យពន្លៃ ស្ថិតនៅក្នុងភូមិពន្លៃ ឃុំកក់ ស្រុកពញាក្រែក ខេត្តត្បូងឃ្មុំ ។

សមិទ្ធផលនានារួមមាន អគារទីចាត់ការ អគារសិក្សា១ខ្នង មាន៧បន្ទប់ រួមជាមួយការបំពាក់នូវគ្រឿងបរិក្ខាបច្ចេកទេសផ្សេងៗ មានដូចជាតុការិយាល័យ តុប្រជុំ កុំព្យូទ័រ ម៉ាស៊ីនព្រីនធឺរ ទូផ្ទុកឯកសារ បន្ទប់ទឹកចំនួន ៥បន្ទប់ ខ្លោងទ្វារ របងប្រវែង ១៤៧ម៉ែត្រ ប្រព័ន្ធលូ ចាក់បេតុងនៅតាមមុខអគារ និងចាក់ក្រាលគ្រួសក្រហមនៅក្នុងបរិវេណសាលា សរុបចំណាយថវិការចំនួនប្រមាណ ៣២៨,៣២៦ ដុល្លារអាម៉េរិក ជាអំណោយដ៏ថ្លៃថ្លារបស់ឯកឧត្តមឧបនាយករដ្ឋមន្ត្រី យឹម ឆៃលី និងលោកជំទាវ ទន់ ខុន យឹម ឆៃលី តាមរយៈឯកឧត្តម វេង សាខុន រដ្ឋន្ត្រីក្រសួងកសិកម្ម រុក្ខាប្រមាញ់ និងនេសាទ និលោកជំទាវ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និយុវនីតិសម្បទា និងលោកជំទាវ។

នៅក្នុងពិធីដ៏នក្ខតឫក្សនេះផងដែរ មានការអញ្ជើញចូលរួមពីសំណាក់ ឯកឧត្តម វេង សាខុន រដ្ឋន្ត្រីក្រសួងកសិកម្ម រុក្ខាប្រមាញ់ និងនេសាទ និលោកជំទាវ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និយុវនីតិសម្បទា និងលោកជំទាវ ឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តម ស៊ាក ឡេង ប្រធានក្រុមប្រឹក្សាខេត្តត្បូងឃ្មុំ ប្រតិភូអមដំណើរជាច្រើនរូបទៀត រួមទាំងប្រជាពលរដ្ឋប្រមាណជាង ១០០០នាក់៕