**អគ្គនាយករងពន្ធនាគារ ដឹកនាំកិច្ចប្រជុំឆ្លងសេចក្តីព្រាងផែនការយុទ្ធសាស្ត្រ ស្តីពីការលើកកម្ពស់ការគ្រប់គ្រងពន្ធនាគារ ឆ្នាំ២០២៤-២០២៨**លោកជំទាវរដ្ឋមន្រ្តី ចម និម្មល អញ្ជើញបើកសិក្ខាសាលា ស្តីពី “លើសពីទីផ្សារកម្ពុជា៖ ការនាំយកផលិតផលកម្ពុជាទៅកាន់ទីផ្សារអន្តរជាតិតាមរយៈ Alibaba.com”**ឯកឧត្ដមរដ្ឋមន្ត្រី ឆាយ ឫទ្ធិសែន អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅការងារខែមិថុនា របស់ក្រសួងអភិវឌ្ឍន៍ជនបទ**បង្រ្កាបករណីក្រុមក្មេងទំនើង បង្ហោះម៉ូតូយ៉ាងអណាធិបតេយ្យ មួយក្រុមទៀត នៅក្រុងព្រះសីហនុ**រដ្ឋលេខាការក្រសួងអប់រំ អញ្ជើញបើកវគ្គប្រកួតជម្រុះយក ១០ក្រុម នៃកម្មវិធីយុវជន២១ ឆ្នាំ២០២៤**សោកស្ដាយ! ក្លិបបាល់ទាត់ព្រៃវែង ប្រកាសរំសាយក្រុមជាផ្លូវការហើយ**ព្រះរាជ​ពិធីបុណ្យ​ច្រត់ព្រះនង្គ័លជានិមិត្តរូបមេបា**អគ្គស្នងការដ្ឋាននគរបាលជាតិ បន្ដធ្វើសមយុទ្ធបង្ការ ពន្លត់អគ្គិភ័យ នៅផ្សារទំនើបអ៉ីអនមានជ័យ ដើម្បីពង្រឹងស្មារតីក្នុងត្រៀមសង្គ្រោះ និងជម្លៀសខ្លួនពីកន្លែងកើតហេតុ**ឧបនាយករដ្ឋមន្ត្រី ស សុខា អញ្ជើញដឹកនាំគណៈប្រតិភូ ចុះពិនិត្យច្រកទ្វារអូរបីជាន់**ឯកឧត្តម អ៊ុន ចាន់ដា ជួបសំណេះសំណាល ជាមួយក្រុមកីឡាបាល់ទះ នៃពុទ្ធិកសកលវិទ្យាល័យសម្តេចតេជោ ហ៊ុន សែន ដែលទទួលជ័យលាភីលេខ១**ស្នងការរងរាជធានីភ្នំពេញ ដឹកនាំកិច្ចប្រជុំផ្សព្វផ្សាយស្តីពី ការចុះត្រួតពិនិត្យកន្លែងលក់ដូរដាវ និងកាំបិត កែច្នៃ ក្នុងភូមិសាស្ត្ររាជធានីភ្នំពេញ**ឯកឧត្តមអភិសន្តិបណ្ឌិត ស សុខា អញ្ជើញដឹកនាំគណៈប្រតិភូ ចុះពិនិត្យប៉ុស្តិ៍នគរបាលច្រកទ្វារតំបន់ បឹងត្រកួន**មន្ត្រីជាន់ខ្ពស់ក្រសួងអប់រំ៖ ការរៀបចំសាលារៀនឆ្លាតវៃ តាមសាលាគោលដៅ បានលើកកម្ពស់ភាពជដៃគូរវាងរដ្ឋ និងឯកជន ដើម្បីពិនិត្យមើលតម្រូវការជំនាញបច្ចេកទេស ក្នុងទីផ្សារ**រដ្ឋបាលរាជធានីភ្នំពេញ នឹងបញ្ចៀសចរាចរយានយន្តគ្រប់ប្រភេទជាបណ្តោះអាសន្ន នៅថ្ងៃទី៣ មិថុនា ក្នុងព្រះរាជពិធីដង្ហែ និងថ្វាយព្រះភ្លើងព្រះបរមសព សម្តេច ទេព វង្ស**ក្រសួងអប់រំ ណែនាំស្ដីពីការទប់ស្កាប់ការប្រើប្រាស់បារីអេឡិចត្រូនិក និងផលិតផល អេចឆ៍ ធី ភី នៅក្នុងនិងជុំវិញបរិវេណគ្រឹះស្ថានសិក្សាសាធារណៈ និងឯកជន**ឧបនាយករដ្ឋមន្ត្រី ស សុខា ដឹកនាំកិច្ចប្រជុំស្តីពីការប្រយុទ្ធប្រឆាំងគ្រឿងញៀនខុសច្បាប់ នៅបញ្ជាការដ្ឋាន វរៈសេនានគរបាលការពារព្រំដែនគោក លេខ៨០៧**អគ្គលេខាធិការដ្ឋានរដ្ឋសភា រៀបចំការធ្វើតេស្តរហ័សរកសារធាតុញៀនក្នុងចំណោមមន្ត្រីរាជការទាំងអស់នៃអគ្គលេខាធិការដ្ឋានរដ្ឋសភា**សាលាសង្កាត់ឫស្សីកែវ រៀបចំកិច្ចប្រជុំក្រុមប្រឹក្សាសង្កាត់ អាណត្តិទី៥ លើកទី២៣ ប្រចាំខែឧសភា ដើម្បីលើកយករបៀបវារៈមួយចំនួនមកពិនិត្យ និងអនុម័ត**យុវជនម្នាក់ត្រូវសត្វដំរីវាត់និងតប់នឹងប្រមោយ បណ្តាលឱ្យរងរបួសធ្ងន់ នៅខេត្តព្រះវិហារ**កម្លាំងនាយកដ្ឋាននគរបាលព្រហ្មទណ្ឌ ដឹកនាំស្រាវជ្រាវបង្ក្រាបករណីក្មេងទំនើងកាប់ប្រហារគ្នាបណ្ដាលឲ្យស្លាប់ នៅស្រុកស្នួល

កម្ពុជា-វៀតណាមនឹងរៀបចំព្រឹត្តិការណ៍ “សប្តាហ៍វប្បធម៌វៀតណាមនៅកម្ពុជា ឆ្នាំ២០២២”


ថ្ងៃទី១០ ខែសីហា ឆ្នាំ២០២២
វិទ្យុជាតិកម្ពុជា៖ លោកចេម ហួត
ភ្នំពេញ៖ ប្រទេសកម្ពុជា-វៀតណាមនឹងរៀបចំព្រឹត្តិការណ៍ “សប្តាហ៍វប្បធម៌វៀតណាមនៅកម្ពុជាឆ្នាំ២០២២ នារាត្រីថ្ងៃទី១០ ខែសីហា ឆ្នាំ២០២២ នៅសាលសន្និសីទចតុម្មុខ រាជធានីភ្នំពេញ ដើម្បីអបអរសាទរខួបអនុស្សាវរីយ៍លើកទី៥៥នៃការបង្កើតទំនាក់ទំនងការទូតកម្ពុជា វៀតណាមបន្ទាប់ពីការពន្យារពេលដោយសារជំងឺរាតត្បាតកូវីដ-១៩។
តាមគម្រោង លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈនឹងអញ្ជើញចូលរួមជាអធិបតី និងថ្លែងសន្ទរកថា បើកកម្មវិធីនេះ។ ជាមួយគ្នានោះដែរ ក៏នឹងមានការអញ្ជើញចូលរួមពីសំណាក់ ឯកឧត្តម ហ័ង ដាវគឿង (HOÀNG ĐẠO CƯƠNG) អនុរដ្ឋមន្ត្រីក្រសួងវប្បធម៌ កីឡា និងទេសចរណ៍នៃសាធារណរដ្ឋសង្គមនិយមវៀតណាម និងតំណាង ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋសង្គមនិយមវៀតណាម ប្រចាំ ព្រះរាជាណាចក្រកម្ពុជាផងដែរ។
សូមជម្រាបជូនថា អនុលោមតាមកិច្ចសហប្រតិបត្តិការវប្បធម៌រវាងក្រសួងជំនាញនៃប្រទេសទាំងពីរសម្រាប់ឆ្នាំ២០១៨-២០២២ សប្តាហ៍វប្បធម៌វៀតណាម និងសប្តាហ៍វប្បធម៌កម្ពុជា ត្រូវបានរៀបចំជាបន្តបន្ទាប់ក្នុងខែសីហា និងខែកញ្ញាក្នុងឆ្នាំនេះ។
ដើម្បីអបអរសាទរឆ្នាំមិត្តភាពកម្ពុជា-វៀតណាម វៀតណាម-កម្ពុជា២០២២ និងខួបទី៥៥នៃទំនាក់ទំនងការទូតរវាងកម្ពុជានិងវៀតណាមនេះដែរ ក្រសួងវប្បធម៌ កីឡា និងទេសចរណ៍វៀតណាម សហការជាមួយក្រសួងអប់រំនិងបណ្តុះបណ្តាលវៀតណាមនិងក្រសួងវប្បធម៌និងវិចិត្រសិល្បៈកម្ពុជាក៏នឹងរៀបចំទីតាំងសម្រាប់បង្ហាញវប្បធម៌ ប្រទេស ប្រជាជន និងការអប់រំរបស់វៀតណាមក្នុងក្របខណ្ឌសប្តាហ៍វប្បធម៌វៀតណាមនៅកម្ពុជាឆ្នាំ២០២២ផងដែរ។ ជាមួយនឹងមូលបទ “បេតិកភណ្ឌនិងការអភិវឌ្ឍមនុស្ស” ដែលនឹងរៀបចំពីថ្ងៃទី១០ដល់ថ្ងៃ១៤ ខែសីហា ឆ្នាំ២០២២ ពិព័រណ៍វប្បធម៌-អប់រំវៀតណាម ដាក់បង្ហាញរូបថតជាង៥០ ដែលឆ្លុះបញ្ចាំងពីវប្បធម៌ ទេសភាពនិងជីវភាពរស់នៅរបស់ប្រជាជនវៀតណាម។ ជាពិសេសគឺរូបថតអំពីបេតិកភណ្ឌធម្មជាតិ បេតិកភណ្ឌវប្បធម៌រូបីនិងអរូបីរបស់វៀតណាម ដែលបានដាក់បញ្ចូលក្នុងបញ្ជីបេតិកភណ្ឌពិភពលោកដោយអង្គការយូណេស្កូ រូបភាពសមិទ្ធិផលកីឡា និងសមាហរណកម្មនិងការអភិវឌ្ឍរបស់វៀតណាម។ បន្ថែមពីលើរូបភាព ពិព័រណ៍ក៏មានតាំងបង្ហាញអំពីផលិតផលសិប្បកម្មរបស់វៀតណាមផងដែរ។ លើសពីនេះ នេះគឺជាលើកទីមួយដែលសកលវិទ្យាល័យនិងវិទ្យាស្ថានបណ្តុះបណ្តាលមួយចំនួនរបស់វៀតណាម បានចូលរួមក្នុងពិព័រណ៍ ដើម្បីណែនាំឱ្យស្គាល់ការអប់រំក្នុងប្រទេសវៀតណាមនិងគោលនយោបាយអប់រំ ដែលទាក់ទាញសិស្ស-និស្សិតបរទេសរួមទាំងនិស្សិតកម្ពុជា ដែលបានជ្រើសរើសប្រទេសវៀតណាម សម្រាប់ការសិក្សាកម្រិតនានា។
តាមរយៈវត្ថុតាំងបង្ហាញ ទីតាំងពិព័រណ៍ បង្ហាញប្រជាជនកម្ពុជានិងមិត្តអន្តរជាតិអំពីវៀតណាម ដែលជាប្រទេសដែលមានវប្បធម៌ដ៏សម្បូរបែប ការអភិវឌ្ឍដ៏សកម្ម សក្តានុពលវប្បធម៌និងកីឡា ទីកន្លែងសម្រាប់វិនិយោគ និងការផ្សាភ្ជាប់បេតិកភណ្ឌជាមួយការអភិវឌ្ឍមនុស្សសម្រាប់គោលដៅនៃការអភិវឌ្ឍប្រកបដោយចីរភាព។ ទីតាំងពិព័រណ៍បានដើរតួនាទីយ៉ាងសំខាន់សម្រាប់ភាពជោគជ័យនៃសកម្មភាពវប្បធម៌និងសិល្បៈនានា សម្រាប់អបអរសាទរឆ្នាំមិត្តភាពកម្ពុជា-វៀតណាម វៀតណាម-កម្ពុជា២០២២ ដែលរួមចំណែកបន្តផ្សព្វផ្សាយនិងការអភិវឌ្ឍទំនាក់ទំនងក្នុងស្មារតី “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងរឹងមាំស្ថិតស្ថេរយូរអង្វែង” រវាងវៀតណាមនិងកម្ពុជា។
សូមបញ្ជាក់ថា ប្រទេសកម្ពុជា និងប្រទេសវៀតណាម បានភ្ជាប់ទំនាក់ទំនងការទូតជាផ្លូវការនៅថ្ងសទី២៤ មិថុនា ១៩៦៧ រហូតមកដល់ឆ្នាំ២០២២នេះ គឺមានរយៈពេល៥៥ឆ្នាំហើយ ដោយទំនាក់ទំនងរបស់ប្រទេសយើងទាំងពីរនាពេលបច្ចុប្បន្ន ត្រូវបានចាត់ទុកថាជាកិច្ចសហប្រតិបត្តិការដៃគូគ្រប់ជ្រុងជ្រោយ៕

អត្ថបទដែលជាប់ទាក់ទង