ប្រធានសមាគមអតីតយុទ្ធជនកម្ពុជាព្រះសីហនុ ចាត់តំណាង នាំយកថវិការមរណសង្គ្រោះ ទៅប្រគល់ជូនគ្រួសារសពអតីតយុទ្ធជន
ភ្នំពេញ៖ ឧត្ដមសេនីយ៍ត្រី នូវ សំអុល មេបញ្ជាការតំបន់ប្រតិបត្តិការសឹករងព្រះសីហនុ ជាប្រធានសមាគមអតីតយុទ្ធជនកម្ពុជាខេត្តព្រះសីហនុ នៅរសៀលថ្ងៃទី៨ ខែសីហា ឆ្នាំ២០២២ បានចាត់តាំងលោកវរសេនីយ៏ឯក ហេង សុវណ្ណ មេបញ្ជាការរង ដឹកនាំក្រុមការងារ សមាគមអតីតយុទ្ធជនខេត្ត និងអាជ្ញាធរមូលដ្ឋានទៅចូលរួមរំលែទុក្ខដ៏ក្រៀមក្រំ និងប្រគល់ថវិកាមរណសង្គ្រោះ ព្រមទាំងលិខិតរំលែកមរណទុក្ខទៅជូនគ្រួសារសព លោក ប្រាក់ ធារី អាយុ៥១ឆ្នាំ (យោធិនពិការ) នៅភូមិ២ សង្កាត់២ ក្រុងព្រះសីហនុ ខេត្តព្រះសីហនុ ដែលបានទទួលមរណភាពកាលពីថ្ងៃទី៥ ខែសីហា ឆ្នាំ២០២២កន្លងទៅ។
លោកវរសេនីយ៏ឯក ហេង សុវណ្ណ បានពាំនាំនូវបណ្ដាំរំលែកទុក្ខដ៏ក្រៀមក្រំពីឯកឧត្ដម នូវ សំអុល ប្រធានសមាគមអតីតយុទ្ធជនកម្ពុជាខេត្តព្រះសីហនុ និងប្រគល់ថវិកាមរណសង្គ្រោះចំនួន ៤លានរៀល ជូនគ្រួសារសព ព្រមទាំងនាំយកគ្រឿងឧបភោគ-បរិភោគចំនួន៥មុខ និងម៉ាសមួយប្រអប់ជាអំណោយដ៏ថ្លៃថ្លារបស់ឯកឧត្ដម ហ៊ុន ម៉ាណែត និងលោកជំទាវ ពេជ្រ ចន្ទមុន្នី ជូនគ្រួសារសពផងដែរ៕
