កម្លាំងចម្រុះបង្ក្រាបបទល្មើសនេសាទនៅចំណុចអង្គទ្វីប បឹងទីពី បឹងទ័ពស្រូវ ក្នុងភូមិសាស្ត្រ ស្រុកកំពង់លែង
ភ្នំពេញ៖ កម្លាំងនគរបាលប៉ុស្តិ៍រដ្ឋបាលកំពង់ហៅ និងប៉ុស្តិ៍នគរបាលរដ្ឋបាលច្រណូក នៃអធិការដ្ឋាននគរបាលស្រុកកំពង់លែង បានសហការជាមួយកម្លាំងចម្រុះរដ្ឋបាលកំពង់លែង នៅថ្ងៃទី៨ ខែសីហា ឆ្នាំ២០២២ បានចុះល្បាត និងបង្ក្រាបបទល្មើសនេសាទ នៅចំណុចអង្គទ្វីប បឹងទីពី បឹងទ័ពស្រូវ ក្នុងភូមិសាស្ត្រ ភូមិឯលិច ឃុំច្រណូក ឃុំកំពង់ហៅ។
ក្នុងកិច្ចប្រតិបត្តិការខាងលើ សមត្ថកិច្ចចម្រុះបានរើរបាំងស្បៃមុង(សាច់ឈឹប) បានចំនួន៣កន្លែង ប្រវែង១២៥០ម៉ែត្រ, លបលូស្បៃមុងចំនួន៨គ្រឿង, បង្គោលចំនួន ២០៣ដើម, ព្រលែងកូនត្រីចម្រុះចំនួន១១គីឡូក្រាម ។ សម្ភារៈវត្ថុតាងខាងលើត្រូវបានកំទេចចោលនៅនឹងកន្លែង៕
