អភិបាលរងខេត្តកណ្ដាល ដឹកនាំកិច្ចប្រជុំត្រៀមរៀបចំ របស់ក្រុមការងាររាជរដ្ឋាភិបាល ចុះមូលដ្ឋានខេត្តកណ្តាល ប្រចាំឆមាសទី១ និងទិសដៅការងារបន្ត

ភ្នំពេញ៖ ឯកឧត្ដម នូវប៉េង ចន្ទតារា អភិបាលរងខេត្តកណ្ដាល នៅថ្ងៃទី៣ ខែសីហា ឆ្នាំ២០២២ បានដឹកនាំកិច្ចប្រជុំប្រជុំត្រៀមរៀបចំ របស់ក្រុមការងាររាជរដ្ឋាភិបាលចុះមូលដ្ឋានខេត្តកណ្តាល ប្រចាំឆមាសទី១ ឆ្នាំ២០២២ និងទិសដៅការងារបន្តរបស់ខេត្តកណ្ដាល ។

កិច្ចប្រជុំនេះធ្វើឡើងដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្ដចតុកោណដំណាក់កាលទី៤ របស់រាជរដ្ឋាភិបាល អាណត្តិទី៦។

គួរបញ្ជាក់ដែរថា កិច្ចប្រជុំនេះនិងធ្វើឡើងនៅថ្ងៃទី៨ ខែសីហា ឆ្នាំ២០២២ខាងមុខនេះ ដោយមានអញ្ជើញចូលរួមជាអធិបតីភាព ឯកឧត្តម អគ្គបណ្ឌិតសភាចារ្យ អូនព័ន្ធ មុនីរ័ត្ន ឧបនាយករដ្ឋមន្រ្តី រដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល ៕