តើអ្វីទៅជា ប្រាក់សោធនទុព្វលភាព?

ភ្នំពេញ៖ ប្រាក់សោធនទុព្វលភាព គឺជាប្រាក់ចូលនិវត្តន៍រៀងរាល់ខែដែលសោធនិកនឹងទទួលបាននៅមុនអាយុ ៦០ឆ្នាំ នៅពេលជួបគ្រោះថ្នាក់ ឬមានជំងឺធ្ងន់ធ្ងរ ដែលមិនអាចធ្វើការបាន និងគ្មានប្រាក់ចំណូល (ក្រៅពីហានិភ័យការងារ) ដែលអត្ថប្រយោជន៍ត្រូវទទួលបានរួមមាន៖

(១). ទទួលបានប្រាក់សោធនទុព្វលភាព (មិនរង់ចាំដល់អាយុចូលនិវត្តន៍) ជាប្រចាំខែ (១ខែ បើកជូន ២ដង)
(២). ទទួលបានអ្នកថែរក្សា បន្ថែមជាមួយនឹងទឹកប្រាក់ ៥០% នៃប្រាក់ចូលនិវត្តន៍
(៣). ទទួលបានការព្យាបាល និងថែទាំសុខភាពក្នុងមន្ទីរពេទ្យដៃគូ ប.ស.ស. ដោយឥតបង់ប្រាក់
(៤). ទទួលបានប្រាក់វិភាជន៍បូជាសព និងសោធនឧត្តរជីវី នៅពេលទទួលមរណភាព ។

ដើម្បីទទួលបានប្រាក់សោធនទុព្វលភាព (ចូលនិវត្តន៍មុនកាលកំណត់) កម្មករនិយោជិតត្រូវបំពេញលក្ខខណ្ឌដូចខាងក្រោម៖
– បានចុះបញ្ជីផ្នែកប្រាក់សោធននៅ ប.ស.ស.
– បានបង់ភាគទានយ៉ាងតិច ៦០ខែ
– ជួបគ្រោះថ្នាក់ ឬមានជំងឺធ្ងន់ធ្ងរ ដែលមិនអាចធ្វើការបាន និងគ្មានប្រាក់ចំណូល (ក្រៅពីហានិភ័យការងារ)
លក្ខខណ្ឌផ្សេងៗត្រូវបានអនុវត្ត!!!