អគារទីបញ្ជាការ ជាអំណោយរបស់មេទ័ពជើងគោក ផ្តល់ជូនផ្នែកសឹករងបូរីជលសារ បានរៀបចំពិធីក្រុងពាលី បញ្ចុះបឋមសិលាសាងសង់
ភ្នំពេញ៖ អគារទីបញ្ជាការមួយខ្នង ជាអំណោយរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ផ្តល់ជូនផ្នែកសឹករងបូរីជលសារ បានរៀបចំពិធីក្រុងពាលី បញ្ចុះបឋមសិលាសាងសង់ នាថ្ងៃទី៣១ ខែកក្កដា ឆ្នាំ២០២២ ក្រោមវត្តមានឧត្តមសេនីយ៍ត្រី នាង សុភារ៉ា មេបញ្ជាការ តំបន់ប្រតិបត្តិការសឹករងតាកែវ ។
ក្នុងនាមមេបញ្ជាការ និងជំនួសមុខឲ្យនាយទាហាន នាយទាហានរង និងពលទាហាន តំបន់ប្រតិបត្តិការសឹករងតាកែវ និងផ្នែកសឹករងបូរីជលសារ ឯកឧត្តមសេនីយ៍ត្រី នាង សុភារ៉ា មានសេចក្តីសោមនស្សរីករាយយ៉ាងក្រៃលែង និងសូមគោរពថ្លែងអំណរគុណយ៉ាងជ្រាលជ្រៅបំផុត ចំពោះឯកឧត្តម មេបញ្ជាការ កងទ័ពជើងគោក ដែលជានិច្ចកាលតែងតែយកចិត្តទុកដាក់ អំពីសុខ ទុក្ខ របស់កងទ័ព ពិសេសគិតគូយកចិត្តទុកដាក់ក្នុងការកសាងកន្លែងស្នាក់នៅ កន្លែងធ្វើការ ដល់កងទ័ពបានសមរម្យ ស្របតាមយុទ្ធសាស្ត្រការពារជាតិ ៕
