លោកគីម ជុងអ៊ុន បានចុះពិនិត្យមេីលការបាញ់សាកល្បងមីស៉ីលគ្រូសយុទ្ធសាស្ត្រ និងការវាយតម្លៃប្រព័ន្ធប្រឆាំងនាវា នាវាមុជទឹក និងការពារដែនអាកាស ចេញពីនាវាពិឃាតរបស់កងទ័ពជើងទឹក Kang Kon
បរទេស៖ ប្រព័ន្ធផ្សព្វផ្សាយរដ្ឋកូរ៉េខាងជេីង KCNA បានរាយការណ៍នៅថ្ងៃអាទិត្យ ទី៥ ខែកក្កដា ឆ្នាំ២០២៦ ថាមេដឹកនាំ លោកគីម ជុងអ៊ុន បានចុះពិនិត្យមេីលការបាញ់សាកល្បងមីស៉ីលគ្រូសយុទ្ធសាស្ត្រ និងការវាយតម្លៃប្រព័ន្ធប្រឆាំងនាវា នាវាមុជទឹក និងការពារដែនអាកាស ចេញពីនាវាពិឃាតរបស់កងទ័ពជើងទឹក Kang Kon។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters។
ការធ្វើតេស្តទាំងនេះធ្វើឡើងកាលពីថ្ងៃសុក្រ ជាផ្នែកមួយនៃការវាយតម្លៃប្រព័ន្ធប្រយុទ្ធរបស់នាវាចម្បាំងដែលទើបសាងសង់ថ្មី។ ការធ្វើតេស្តផ្តោតលេីសមត្ថភាពរកឃើញគោលដៅ និងដំណើរការព័ត៌មាន ប្រព័ន្ធកម្លាំងបាញ់វេញរួម កាំភ្លើងធំកងទ័ពជើងទឹក កាំភ្លើងធំស្វ័យប្រវត្តិ និងឧបករណ៍សង្គ្រាមអេឡិចត្រូនិក។
នាវាពិឃាដ Kang Kon ត្រូវបានជួសជុលកាលពីឆ្នាំមុន បន្ទាប់ពីការសាកល្បងបរាជ័យអំឡុងពិធីសម្ភោធដាក់ឱ្យដំណេីរការ។ កូរ៉េខាងជើងកាន់តែគូសបញ្ជាក់ពីការអភិវឌ្ឍកងទ័ពជើងទឹក ខណៈកំពុងស្វែងរកការជំរុញនូវអ្វីដែលលោក គីម ពិពណ៌នាថាជាកងកម្លាំងខ្សោយបំផុតរបស់ខ្លួន៕
