ភ្នំពេញ ៖ នៅរសៀលថ្ងៃទី១១ ខែកក្ដដា ឆ្នាំ២០២២នេះ ឯកឧត្តម អ៊ូច ភា អភិបាលខេត្តតាកែវ និង ឯកឧត្តម សែ សុឃន អគ្គនាយរង នៃអគ្គនាយកដ្ឋានគយ និងរដ្ឋាករកម្ពុជា បានអញ្ជើញប្រកាសផ្លាស់ប្ដូរ លោក កែវ វ៉ាន្នី ពី ប្រធានសាខាគយ និងរដ្ឋាករខេត្តតាកែវ ទៅជា ប្រធានសាខាគយ និងរដ្ឋាករកំផែអន្តរជាតិភ្នំពេញ ចំណែកឯ លោក ស៊ុន ឆាយ ពីប្រធានសាខាគយ និងរដ្ឋាករកំផែអន្តរជាតិភ្នំពេញ មកជា ប្រធានសាខាគយ និងរដ្ឋាករខេត្តតាកែវ។
ពិធីប្រកាសនេះដែរ ក៏មានការអញ្ជើញចូលរួមដោយ ឯកឧត្តម លោកជំទាវ ប្រតិភូអគ្គនាយកដ្ឋានគយ និងរដ្ឋាករកម្ពុជា ឯកឧត្តមប្រធានសាលាដំបូងខេត្ត និង ឯកឧត្តមព្រះរាជអាជ្ញាអមសាលាដំបូងខេត្ត លោក លោកស្រី ប្រធានមន្ទីរអង្គភាពជុំវិញខេត្ត លោកឧត្តមសេនីយ៍ទោ ស្នងការនគរបាលខេត្ត លោក ឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត លោកឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងខេត្ត ព្រមទាំងមន្រ្តីពាក់ព័ន្ធជាច្រើនរូបផងដែរ៕
