កម្លាំងអន្តរាគមន៍ ផ្នែកសឹករងប៉ោយប៉ែត សហការជាមួយកម្លាំងចំរុះ ចុះជួយពន្លត់អគីភ័យ
ភ្នំពេញ៖ ឧត្តមេសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករងបន្ទាយមានជ័យ នាថ្ងៃទី៨ ខែកក្កដា ឆ្នាំ២០២២បានចាត់តាំង លោកវរសេនីយ៍ទោ ឡេង ហុងលាង មេបញ្ជាការផ្នែកសឹករងប៉ោយប៉ែត សហការជាមួយអាជ្ញាធរមូលដ្ឋាន កងរាជអាវុធហត្ថក្រុង និងអធិការនគរបាលក្រុង ដែលដឹកនាំ ចង្អុលបង្ហាញផ្ទាល់ដោយ ឯកឧត្តម អ៊ុ រាត្រី អភិបាលខេត្ត ចុះជួយពន្លត់អគ្គីភ័យ ភ្លើងឆេះផ្ទះប្រជាពលរដ្ឋចំនួន ៥ខ្នងផ្ទះ(ផ្ទះល្វែង) ស្ថិតនៅ ភូមិប៉ាលិលេយ្យ១ សង្កាត់ប៉ោយបែត ក្រុង ប៉ោយប៉ែត។
សរុបការខូចខាតរួមមាន ផ្ទះចំនួន ៣ខ្នងផ្ទះ ឆេះទាំងស្រុង ចំណែក ចំនួន ២ខ្នងទៀត ខូចខាតប្រមាណ ៧៥% រួមជាមួយ សម្ភារៈ មួយចំនួនធំ និងថវិកា មួយចំនួនធំផងដែល។
ម្ចាស់ផ្ទះបានរៀបរាប់ថា ការឆាបឆេះនេះបណ្តាលមកពី ឆ្លងចរន្តអគ្គីសនី(ទុស្សេរខ្សែរភ្លើង) បង្កជាអគ្គីភ័យតែម្តងសមត្ថកិច្ច ប្រើប្រាស់រថយន្ដពន្លត់អគី្គភ័យ ៥គ្រឿង របស់ (អធិការនគរបាលក្រុងប៉ោយបែត ១ចំនួន គ្រឿង រថយន្ត របស់ អធិការដ្ឋាននគរបានស្រុកអូរជ្រៅចំនួន ១គ្រឿង រថយន្តរបស់ កាស៊ីណូរ ត្រូពីកាណា ចំនួន ១គ្រឿង និងរថយន្តរបស់កាស៊ីណូរ ហ្គ្រេនដាយមិនស៊ីធី ២គ្រឿង (Grand Daimond City) ទើបគ្រប់គ្រងស្ថានការណ៍បានទាំងស្រុង៕
