រដ្ឋលេខាធិការក្រសួងរ៉ែ ដឹកនាំកិច្ចប្រជុំពិគ្រោះយោបល់ កម្រិតអន្តរក្រសួងលើសេចក្ដីព្រាង នីតិវិធីគ្រប់គ្រងប្រតិបត្តិការសម្រាប់គម្រោង ភាពជាដៃគូ រវាងរដ្ឋ និងឯកជន
ភ្នំពេញ៖ ឯកឧត្ដមបណ្ឌិត ទី នរិន្ទ និង ឯកឧត្ដម សុខ ខាវ៉ាន់ រដ្ឋលេខាធិការក្រសួងរ៉ែនិងថាមពល អមដោយឯកឧត្តមអគ្គនាយកនៃអគ្គយកដ្ឋានថាមពល លោកអគ្គនាយករង និងប្រធាននាយកដ្ឋានចំណុះក្រសួងរ៉ែនិងថាមពល នាថ្ងៃទី៨ កក្កដា បានអញ្ជើញចូលរួមកិច្ចប្រជុំពិគ្រោះយោបល់កម្រិតអន្តរក្រសួង លើសេចក្ដីព្រាង “នីតិវិធីគ្រប់គ្រងប្រតិបត្តិការសម្រាប់គម្រោងភាពជាដៃគូ រវាងរដ្ឋ និងឯកជន (ភ.រ.ជ.) ភាគ៣ ស្ដីពីនីតិវិធីគ្រប់គ្រងលទ្ធកម្មគម្រោង” (Draft SOP for PPP, Volume III: Procurement Manual) តាមប្រព័ន្ធអនឡាញ (Zoom) ដែលរៀបចំដោយក្រសួងសេដ្ឋកិច្ច និងហិរញ្ញវត្ថុ។
កិច្ចប្រជុំនេះមានគោលបំណង ក្នុងការគាំទ្រដល់ការអនុវត្តច្បាប់ស្ដីពី ភ.រ.ជ. ព្រមទាំងការរៀបចំ ការអនុវត្ត និងការគ្រប់គ្រងគម្រោង ភ.រ.ជ. ឱ្យបានពេញលេញ និងមានប្រសិទ្ធភាព ដោយធ្វើការពិនិត្យ និងពិភាក្សាលើសេចក្ដីព្រាងនីតិវិធីគ្រប់គ្រងប្រតិបត្តិការសម្រាប់គម្រោង ភ.រ.ជ. ភាគ៣ ស្ដីពីនីតិវិធីគ្រប់គ្រងលទ្ធកម្មគម្រោង ដែលបែងចែកជា៣ផ្នែករួមមាន៖
១. សេចក្ដីផ្ដើមនៃនីតិវិធីគ្រប់គ្រងលទ្ធកម្មគម្រោង ភ.រ.ជ.
២. នីតិវិធីជ្រើសរើសទីប្រឹក្សា (Selection of Consultants) និង
៣. នីតិវិធីជ្រើសរើសដៃគូឯកជន (Selection of Private Partner)។
