កងពលតូចលេខ៧០ រៀបចំសិក្ខាសាលាបូកសរុបលទ្ធផលការងារឆមាសទី១ និងលេីកទិសដៅអនុវត្តន៍ភារកិច្ចបន្តឆមាសទី២
ភ្នំពេញ ៖ ឧត្តមសេនីយ៍ឯក ម៉ៅ សុផាន់ មេបញ្ជាការ រង កងទ័ព ជើង គោក និងជាមេបញ្ជាការកងពលតូចលេខ៧០ ថ្ងៃទី០៨ ខែកក្កដា ឆ្នាំ២០២២ បានអញ្ជើញជាអធិបតីភាពក្នុងសិក្ខាសាលាបូកសរុបលទ្ធផលការងារសម្រេចបានឆមាសទី១ និងលេីកកទិសដៅអនុវត្តន៍ភារកិច្ចបន្តឆមាសទី២ ឆ្នាំ២០២២ និងប្រគល់ប័ណ្ណសរសេីរ លិខិតសរសេីរ ប្រកាសសេចក្តីសម្រេចបង្កេីតក្រុមការងារយេនឌ័រ និងបំពាក់ឋានន្តរសក្ត។
ក្នុងពិធីនេះដែរ មេបញ្ជាការកងពលបានមានប្រសាសន៍ថា ការងារ ទទួលបានលទ្ធផល និងសមិទ្ធផល គឺកើតចេញពីការសហការរួមគ្នារបស់យោធិនយើងទាំងអស់គ្នា ខិតខំអស់ពីកម្លាំងកាយ ប្រាជ្ញាស្មារតី ក្នុងការបំពេញភារកិច្ចដែលរាជរដ្ឋាភិបាល ក្រសួងការពារជាតិ អគ្គបញ្ជាការ និងបញ្ជាការដ្ឋានកងទ័ពជើងគោក បានប្រគល់ឲ្យដើម្បីរួមគ្នាពិនិត្យវាយតម្លៃលើសភាពការណ៍ទូទៅ និងលើការដកពិសោធន៍ការងារកន្លងមក ក៏ដូចជាកំណត់អំពីទិសដៅ បន្តសម្រាប់ឆមាសទី២ ឆ្នាំ២០២២ បង្កើន ការ ហ្វឹកហ្វឺន គ្រប់ជំនាញ បន្ត សាងសង់អគារ និងជាពិសេសបន្តបង្កបង្កេីនផលសម្រាប់ផ្គត់ផ្គង់ ដល់កងទ័ពទូទាំងកងពល។
ទន្ទឹមនឹងនេះ មេបញ្ជាការកងពលតូចលេខ៧០ បានជូនប័ណ្ណសរសេីរ លិខិតសរសេីរដល់មេបញ្ជាការរង នាយទាហាន នាយទាហានរង និងពលទាហាន ដែលបានចូលរួមយ៉ាងសកម្មក្នុងយុទ្ធនាការជាតិចាក់វ៉ាក់សាំងការពារជំងឺកូវីដ-១៩ ជូនយោធិន អតីតយុទ្ធជន គ្រួសារយោធិន និងប្រជាពលរ ដ្ឋ ក្នុងរាជធានីភ្នំពេញ និងតាមបណ្តាខេត្ត ព្រមទាំងបានទស្សនាពិពណ៌រូបថត និងវាយតម្លៃការតាំងរូបថតតាមបណ្តាអង្គភាពនីមួយៗប្រចាំឆមាសទី១ ឆ្នាំ ២០២២ថែមទៀត ។
ជាមួយគ្នានោះ ឧត្តមសេនីយ៍ឯក ម៉ៅ សុផាន់ បានសំណូមពរដល់យោធិនទាំងអស់ ត្រូវលេីកកំពស់ការប្រុងប្រយ័ត្ន រក្សាអនាម័យ រក្សាគម្លាតសុវត្តិភាព អនុវត្តវិធានការ ៣កុំ ៣ការពារ ដេីម្បីចូលរួមប្រយុទ្ធប្រឆាំងការរីករាលដាលជំងីកូវីដ-១៩ ដែលអាចនឹងកេីតឡេីងជាថ្មី ស្របតាមការណែនាំរបស់ក្រសួងសុខាភិបាល។
មេបញ្ជាការកងពលតូចលេខ៧០ បានថ្លែងអំណរគុណ កោតសរសើរចំពោះយោធិនដែលបំពេញការងារទទួលបានលទ្ធផលល្អ និងជោគជ័យគ្រប់ភារកិច្ចដែលកងពលបានប្រគល់ជូន ៕
