ឯកឧត្តម ម៉ូត យូសុះ អញ្ជើញជួបសំណេះសំណាល និងចែកអំណោយមនុស្សធម៌ ជូនប្រជាពលរដ្ឋ ១៥០គ្រួសារ នៅស្រុកពញាក្រែក

ភ្នំពេញ៖ ឯកឧត្តម ម៉ូត យូសុះ សមាជិកគណៈកម្មការទី១ នៃរដ្ឋសភា និងជាតំណាងរាស្ត្រមណ្ឌលខេត្តត្បូងឃ្មុំ នាថ្ងៃទី៧ ខែកក្កដា ឆ្នាំ២០២២ បានអញ្ជើញជាអធិបតីក្នុងពិធីជួបសំណេះសំណាល និងចែកអំណោយមនុស្សធម៌ជូនប្រជាពលរដ្ឋចំនួន ១៥០គ្រួសារ នៅភូមិពោធិឥន្ទ ឃុំកោងកាង ស្រុកពញាក្រែក ខែត្រត្បូងឃ្មុំ។

ក្នុងពិធីនេះមានការអញ្ជើញចូលរួមពីសំណាក់ ឯកឧត្តម ម៉ាត់ ហ្គោហ្វូត ឯកឧត្តម សុះ រ៉ហ្វាត សមាជិកក្រុមប្រឹក្សាខេត្ត លោក សិន រំល៉ី តំណាងម្ចាស់ជំនួយ សមាជិកក្រុមប្រឹក្សាស្រុក អ៊ីមុំាស្រុក អ៊ីមុំាម៉ាស្ជិទ អាជ្ញាធរមូលដ្ឋានជាច្រើនរូបទៀត។

សូមបញ្ជាក់ថាអំណោយដែលបានផ្តល់ជូននេះ ទទួលបានមកពីសប្បុរសជនប្រទេសអារ៉ាប់កាតា តាមរយៈសមាគម មិត្តភាព និងសប្បុរសធម៌កម្ពុជា ដោយក្នុងមួយគ្រួសារៗទទួលបាន អង្ក២០គីឡូក្រាម មី១០កញ្ចប់ ទឹកក្រូច៣លីត្រ១ដប ស្ករស១គីឡូក្រាម ត្រីខ១០កំប៉ុង និងប្រេងឆា១ដប ៕