**មេទ័ពជើងគោកកម្ពុជា ជួបប្រជុំជាមួយ អគ្គមេបញ្ជាការកងទ័ពជើងគោករុស្ស៊ី**ឯកឧត្តមទេសរដ្ឋមន្ដ្រី គី តិច បន្ដជួបជនរងគ្រោះជិត៣០០នាក់ទៀត ក្នុងសំណុំរឿងក្រុមហ៊ុន ឡេង ចាន់ណា ដែលជាជំនួបលើកទី៦**ចិនដាក់ទណ្ឌកម្មលើវិស័យការពារជាតិអាមេរិក ជុំវិញការផ្គត់ផ្គង់ទៅឲ្យតៃវ៉ាន់**កងកម្លាំងរុស្ស៊ីបំផ្លាញប្រព័ន្ធ HIMARS ដែលផ្គត់ផ្គង់ដោយសហរដ្ឋអាមេរិកនៅអ៊ុយក្រែន**សហរដ្ឋអាមេរិកព្រមានអ៊ុយក្រែនអំពីអំពើពុករលួយ**ឯកឧត្តមរដ្ឋមន្ត្រី ហេង សួរ ដឹកនាំកិច្ចប្រជុំប្រចាំឆ្នាំ នៃភាគីហត្ថលេខីនៃអនុស្សរណៈលើការយោគយល់គ្នា ស្តីពីគម្រោងរោងចក្រកាន់តែប្រសើរនៅកម្ពុជាសម្រាប់ឆ្នាំ២០២៣-២០២៧**សៀវភៅជាខេមរភាសាស្តីពីការយល់ដឹងកាន់តែស៊ីជម្រៅគំនិតផ្តួចផ្តើមអរិយធម៌សកលត្រូវបានផ្សព្វផ្សាយជាសាធារណៈ**ឯកឧត្តមរដ្ឋមន្រ្តី ហួត ហាក់ អញ្ជើញជាអធិបតីក្នុងពិធីធ្វើតេស្តរហ័សរកសារធាតុញៀនសម្រាប់ថ្នាក់ដឹកនាំ និងមន្រ្តីរាជការក្រសួងអធិការកិច្ច**ក្រុមប្រឹក្សាខេត្តស្ទឹងត្រែង បើកកិច្ចប្រជុំសាមញ្ញលើកទី១ អាណត្តិទី៤**ឧបនាយករដ្ឋមន្រ្តី ស សុខា ពេញចិត្តការរៀបចំសេចក្ដីព្រាងអនុក្រឹត្យស្ដីពីការសុំច្បាប់ និងការអនុញ្ញាតច្បាប់ឈប់គ្រប់ប្រភេទរបស់មន្រ្តីនគរបាលជាតិកម្ពុជា**WB អនុម័តលើកញ្ចប់ឥណទានថ្មីតម្លៃ ២៧៥លានដុល្លារ សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ**អាជ្ញាធរខេត្តកំពង់ឆ្នាំង សហការជាមួយសមាគមក្រុមការងារ១០០រាត្រី និងអង្គការមេត្តាធម្មជាតិ ដឹកនាំយុទ្ធនាការដាំកូនឈើព្រៃលិចទឹក នៅក្នុងស្រុកបរិបូរណ៍ នាថ្ងៃ២៤ មិថុនា**មន្ត្រីជាន់ខ្ពស់ក្រសួងកសិកម្ម អំពាវនាវឲ្យបងប្អូនប្រជាកសិករបង្កើនការប្រុងប្រយ័ត្ន ករណីផ្ទុះដង្កូវហ្វូងបង្កការខូចខាតកសិផល**សប្តាហ៍ទី២ នៃខែមិថុនានេះ ក្រុមការងារពិនិត្យ និងតាមដានការសាងសង់ ក្រោយទទួលបានការអនុញ្ញាតនាពេលកន្លងមកបាន ៦០ករណី និងជួសជុលតូចតាចដោយក្រុមការងារសហគមន៍ ១៥៤ករណី**ក្រសួងអភិវឌ្ឍន៍ជនបទ និងខិតខំលើកកម្ពស់កម្រិតគុណភាពផ្លូវជនបទ ឱ្យក្លាយជាផ្លូវដែលអាចធន់និងការប្រែប្រួលអាកាសធាតុ**CoolApp ជាបណ្តាញទំនាក់ទំនងសង្គម Chat លើកដំបូងរបស់កម្ពុជា ដែលមានលក្ខណៈស្តង់ដារបរទេសដូច Telegram និង WhatsApp**ឯកឧត្ដម វ៉ី សំណាង អំពាវនាវយ៉ាងទទូចដល់អាជ្ញាធរដែនដី ស្រុក ឃុំ ភូមិ តាមដានជាប់ជាប្រចាំ ករណីដង្កូវហ្វូងស៊ីបំផ្លាញដំណាំស្រូវប្រជាកសិករ**ឯកឧត្តម ឈាង វុន អញ្ជើញជាអធិបតីក្នុងកម្មវិធី ធ្វើបទបង្ហាញស្តីពីរចនាសម្ព័ន្ធ តួនាទី​ និងភារកិច្ចរបស់ PBO នៃអគ្គលេខាធិការដ្ឋានព្រឹទ្ធសភា ជូនគណៈកម្មការទី២ នៃរដ្ឋសភា​ និងមន្ត្រីពាក់ព័ន្ធនៃរដ្ឋសភា**ក្រុមហ៊ុនចិន សន្យាបន្តទាក់ទាញក្រុមហ៊ុនវិនិយោគឲ្យបាន ១០០ក្រុមហ៊ុន មកបណ្ដាក់ទុនរកស៊ីនៅកម្ពុជា ក្នុងឆ្នាំ២០២៤នេះ**អគ្គនាយករង ប.ស.ស. អញ្ជើញធ្វើបទបង្ហាញពីប្រព័ន្ធសន្តិសុខសង្គម នៅក្នុងវគ្គបណ្តុះបណ្តាលស្តីពី “ការពង្រឹងសមត្ថភាពជនបង្គោលយេនឌ័រ”

សម្ដេច ស ខេង អនុញ្ញាតឲ្យឯករដ្ឋទូតប៉ាគីស្ថាន ចូលជួបសម្តែងការគួរសម

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នារសៀលថ្ងៃទី៦ ខែកក្កដា ឆ្នាំ២០២២ បានអនុញ្ញាតជូនឯកឧត្តម ហ្សាហ៊ីរូឌីន បាបា សាហ៊ីម (Zaheeruddin Babar Thaheem) អគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋអ៊ិស្លាមប៉ាគីស្ថាន ចូលជួបសម្តែងការគួរសម។

សម្ដេចក្រឡាហោម បានយកឱកាសនេះ ដង្ហែរតាមព្រះមហាក្សត្រ នៃព្រះរាជាណាចក្រកម្ពុជា និងចូលរួមជាមួយរាជរដ្ឋាភិបាលកម្ពុជា ស្វាគមន៍ និងអបអរសាទរឯកឧត្តម ហ្សាហ៊ីរូឌីន បាបា សាហ៊ីម ដែលត្រូវបានតែងតាំងជាឯករដ្ឋទូតវិសាមញ្ញប្រចាំរាជាណាចក្រកម្ពុជា។ សម្ដេចបានជូនពរឯកឧត្ដមទទួលបានជោគជ័យនៅក្នុងបេសកកម្មការទូតដ៏ឧត្ដុង្គឧត្ដមនៅកម្ពុជា។

សម្ដេចការជឿជាក់ថា តាមរយៈបេសកកម្មការទូតរបស់ឯកឧត្តម នឹងបន្តរួមចំណែកកាន់តែខ្លាំងក្លាថែមទៀតដល់ការលើកកម្ពស់នូវទំនាក់ទំនង និងកិច្ចសហប្រតិបត្តិការ ក៏ដូចជារឹតចំណងមិត្តភាពរវាងកម្ពុជា និងប៉ាគីស្ថានកាន់តែប្រសើរឡើង និងជិតស្និទ្ធថែមទៀត។

សម្តេចក៏បានលើកឡើងថា នៅក្នុងប្រវត្តិនៃទំនាក់ទំនងការទូតរវាងប្រទេសទាំងពីរប្រមាណ៧០ឆ្នាំមកនេះ តែងមានភាពល្អប្រសើរ ហើយសម្ដេចផ្ទាល់ក៏នឹងបន្តខិតខំរិះរកវិធីដើម្បីធ្វើយ៉ាងណាពង្រីកនូវកិច្ចសហប្រតិបត្តិការរវាងភាគីទាំងពីរ ផ្អែកទៅលើមូលដ្ឋាននៃទំនាក់ទំនងដ៏ល្អស្រាប់រវាងប្រទេសទាំងពីរផងដែរ។

សម្តេចក៏បានជម្រាបជូនឯកឧត្តមអគ្គរដ្ឋទូតដែរថា សម្ដេចបានដឹងថា ប្រជាជនប៉ាគីស្ថានប្រមាណជាង ៩០ភាគរយ ជាអ្នកកាន់សាសនាមូស្លីម ខណៈនៅកម្ពុជាក៏មានប្រជាពលរដ្ឋខ្មែរអ៊ិស្លាមផងដែរ។ សម្ដេចបន្តថា ប្រជាពលរដ្ឋខ្មែរអ៊ិស្លាមក៏ បច្ចុប្បន្ននេះ ជាពិសេសនៅក្រោយឆ្នាំ១៩៧៩ រហូតមក បានរស់នៅយ៉ាងសុខដុមនៅក្នុងសង្គមជាមួយនឹងប្រជាពលរដ្ឋខ្មែរដែលកាន់សាសនាដទៃដទៃទៀត ហើយរាជរដ្ឋាភិបាលកម្ពុជាក៏យកចិត្តទុកដាក់ និងគិតគូរដល់ជីវិតរដ្ឋខ្មែរកាន់សាសនាឥស្លាមដូចប្រជាពលរដ្ឋខ្មែរដទៃទៀតផង នៅក្នុងសង្គម។

ជាការឆ្លើយតប ឯកឧត្តម ហ្សាហ៊ីរូឌីន បាបា សាហ៊ីម (Zaheeruddin Babar Thaheem) អគ្គរដ្ឋទូតបានថ្លែងអំណរគុណសម្ដេច និងឯកភាពចំពោះការលើកឡើងរបស់សម្ដេច ជាពិសេសអរគុណចំពោះពាក្យពេចន៍របស់សម្ដេច ដែលបានលើកឡើងពាក់ព័ន្ធទៅនឹងទំនាក់ទំនងការទូត រយៈពេលប្រមាណ៧០ឆ្នាំ រវាងប្រទេសទាំងពីរ។

ឯកឧត្តមក៏បានលើកឡើងថាប្រទេសប៉ាគីស្ថាន គឺជាប្រទេសមួយក្នុងចំណោមប្រទេសតិចតួចបំផុតនៅក្នុងសកលលោកដែលបានទទួលស្គាល់នូវ អធិបតេយ្យភាពរបស់កម្ពុជាជាពិសេសមុនគេ ពិសេសនៅក្រោយការដួលរលំនៃរបបប្រល័យពូជសាសន៍។ ឯកឧត្ដមក៏យកឱកាសនេះថ្លែងនូវការកោតសរសើរ និងវាយតម្លៃខ្ពស់ចំពោះ កិច្ចខិតខំប្រឹងប្រែងរបស់រាជរដ្ឋាភិបាលកម្ពុជានៅក្នុងការគ្រប់គ្រងជំងឺកូវីដ-១៩ ប្រកបដោយប្រសិទ្ធភាព។

ឯកឧត្ដមក៏បានជម្រាបជូនដែរថា ក្នុងអាណត្តិនៃបេសកកម្មការទូតនេះ ឯកឧត្ដមនឹងបន្ត ធ្វើការជាមួយនឹងភាគីកម្ពុជា ក្នុងនោះក៏ខិតខំពង្រឹងនិងពង្រីកថែមទៀតនូវកិច្ចសហប្របត្តិការក្នុងក្របខ័ណ្ឌនៃការទទួលខុសត្រូវរបស់ក្រសួងមហាផ្ទៃជាមួយនឹងភាគីប៉ាគីស្ថាន។

ឯកឧត្តម ក៏បានបង្ហាញនូវគំនិតផ្ដួចផ្ដើមក្នុងការពង្រីកកិច្ចសហប្រតិបត្តិការរវាងក្រសួងមហាផ្ទៃកម្ពុជា ជាមួយនឹងក្រសួងពាក់ព័ន្ធរបស់ភាគីប៉ាគីស្ថាន ដោយក្នុងនោះភាគីទាំងពីរអាចពិនិត្យលទ្ធភាពក្នុងការបង្កើតឲ្យមានជាអនុស្សរណៈនៃកិច្ចសហប្រតិបត្តិការ ដើម្បីលើកកម្ពស់កិច្ចសហប្របត្តិការរវាងភាគីទាំងពីរថែមមួយកម្រិតថែមទៀត។

សម្ដេចក្រឡាហោម ក៏បានថ្លែងអំណរគុណចំពោះ គំនិតផ្តួចផ្តើមដ៏មានសារៈសំខាន់របស់ឯឧត្តមអគ្គរដ្ឋទូតក្នុងការជំរុញលើកកម្ពស់ទំនាក់ទំនងក្នុងក្របខ័ណ្ឌការងារ នៃការទទួលខុសត្រូវរបស់ក្រសួងមហាផ្ទៃកម្ពុជា ជាមួយនឹងសមាសភាគីប៉ាគីស្ថាន ដោយសម្ដេចស្វាគមន៍នូវគំនិតផ្ដួចផ្ដើមនេះ និងស្នើដល់មន្ត្រី អ្នកអង្គភាពជំនាញនៃភាគីទាំងពីរបន្តពិនិត្យពិភាក្សាបន្ថែមទៅលើការងារនេះ។

សម្តេចក្រឡាហោម ស ខេង ជាថ្មីម្តងទៀតបានប្រកាសសូមស្វាគមន៍ឯកឧត្ដមឯកឧត្តម ហ្សាហ៊ីរូឌីន បាបា សាហ៊ីម (Zaheeruddin Babar Thaheem)ក្នុងអាណត្តិការទូតនៅកម្ពុជា ដោយសម្ដេចត្រៀមខ្លួនជានិច្ចក្នុងការជជែកពិភាក្សាជាមួយឯកឧត្តមអគ្គរាជទូត លើបញ្ហានានានៅពេលអនាគត ប្រសិនមានតម្រូវការចាំបាច់៕

អត្ថបទដែលជាប់ទាក់ទង