កោះកុង៖ នៅថ្ងៃទី១២ ខែកុម្ភៈ ឆ្នាំ២០២៦ ឯកឧត្តម ថុង ណារុង ប្រធានក្រុមប្រឹក្សាខេត្តកោះកុង បានអញ្ជើញជាអធិបតីដឹកនាំកិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សាខេត្តកោះកុង។
កិច្ចប្រជុំនេះមានការអញ្ជើញចូលរួមពី លោកជំទាវ ឈី វ៉ា អភិបាល នៃគណៈអភិបាលខេត្ត, ឯកឧត្ដម លោកជំទាវសមាជិកក្រុមប្រឹក្សាខេត្ត, លោកអភិបាលរងខេត្ត ប្រធានការិយាល័យ ប្រជាពលរដ្ឋខេត្ត នាយករដ្ឋបាល នាយករងរដ្ឋបាល នាយកទីចាត់ការ ប្រធានអង្គភាព ប្រធានផ្នែកចំណុះសាលាខេត្ត ប្រធានពន្ធនាគារខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ប្រតិបត្តិការសឹករងកោះកុង លោក លោកស្រីប្រធានមន្ទីរ អង្គភាព សាខាជុំវិញខេត្ត និងមន្ត្រីរាជការ សាលាខេត្តកោះកុង។
សូមជម្រាបជូនថា កិច្ចប្រជុំមានរបៀបវារៈសំខាន់ៗ ដូចជា៖ ១. ពិនិត្យ និងអនុម័តលើសេចក្តីព្រាងរបៀបវារៈនៃកិច្ចប្រជុំសាមញ្ញលើកទី២១ អាណត្តិទី៤ របស់ក្រុមប្រឹក្សាខេត្តកោះកុង ,២. ពិនិត្យ និងអនុម័តលើសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២០ អាណត្តិទី៤ របស់ក្រុមប្រឹក្សាខេត្តកោះកុង ,៣. ស្តាប់របាយការណ៍ស្តីពីសកម្មភាពការងាររបស់គណៈអភិបាលខេត្តប្រចាំខែមករា ឆ្នាំ២០២៦ ,៤. ពិនិត្យ និងអនុម័តលើសេចក្តីព្រាងរបាយការណ៍ ស្តីពីការអនុវត្តការងាររបស់រដ្ឋបាលខេត្តកោះកុង ប្រចាំខែមករា ឆ្នាំ២០២៦, ៥. បញ្ហាផ្សេងៗ៕
