ឯកឧត្តម ឡោក ឆាយ អគ្គលេខាធិការរងព្រឹទ្ធសភា ដឹកនាំកិច្ចប្រជុំត្រួតពិនិត្យដំណើរការវាយតម្លៃបន្តកិច្ចសន្យាដល់បុគ្គលិកជាប់កិច្ចសន្យា
ភ្នំពេញ៖ គណៈកម្មការគ្រប់គ្រងដំណើរការវាយតម្លៃបន្តកិច្ចសន្យាដល់បុគ្គលិកជាប់កិច្ចសន្យាចំណុះអគ្គលេខាធិការដ្ឋានព្រឹទ្ធសភា នារសៀលថ្ងៃទី៥ ខែកក្កដា ឆ្នាំ២០២២ បានប្រជុំក្រោមអធិបតីភាពឯកឧត្តម ឡោក ឆាយ អគ្គលេខាធិការរងព្រឹទ្ធសភា នៅសាលប្រជុំស្លាបខាងកើតនៃអគារក្រហម វិមានព្រឹទ្ធសភា។
កិច្ចប្រជុំផ្តោតសំខាន់លើរបៀបវារៈចំនួនពីរគឺ៖
១-ពិនិត្យ និងសម្រេចលើព្រឹត្តិបត្រវាយតម្លៃបន្តកិច្ចសន្យាការងាររបស់បុគ្គលិកជាប់កិច្ចសន្យា។
២-ពិភាក្សាលើបញ្ហាផ្សេងៗ ព្រមទាំងការចូលរួមផ្តល់ជាមតិយោបល់របស់សមាជិកអង្គប្រជុំ៕