**អាមេរិកបញ្ជូនប្រព័ន្ធមីស៊ីលទៅហ្វីលីពីនសម្រាប់សមយុទ្ធជាការផ្ញើសារដល់ចិន**សម្ដេចតេជោ ហ៊ុន សែន ប្រាប់ប្រធានរដ្ឋឡាវ ថាតាមការស្ទង់មតិជំនឿលើការដឹកនាំរបស់ សម្ដេចធិបតីនាយករដ្ឋមន្ត្រី មានការកើនឡើងជាបន្តបន្ទាប់**ឯកឧត្តម ម៉េង ហុង ដឹកនាំកិច្ចប្រជុំផ្ទៃក្នុងជាមួយថ្នាក់ដឹកនាំបេឡាជាតិសន្ដិសុខសង្គម នៃក្រសួងការងារ**ខុទ្ទកាល័យនាយករដ្ឋមន្ត្រី ចេញសេចក្តីប្រកាសព័ត៌មាន ស្តីពីលទ្ធផលជំនួបរវាងសម្តេចធិបតី ហ៊ុន ម៉ាណែត និង អនុប្រធានក្រុមប្រឹក្សាអូឡាំពិកអាស៊ី**សម្តេចរដ្ឋសភាធិបតី ឃួន សុដារី៖ ទំនាក់ទំនងដ៏ល្អកម្ពុជា-ចិន មិនត្រឹមនាំមកនូវផលប្រយោជន៍ដល់ប្រទេសទំាងពីរប៉ុណ្ណោះទេ តែនាំមកនូវវិបុលភាពជូនប្រជាជាតិក្នុងតំបន់និងសកលលោកផងដែរ**ក្រសួងការបរទេស ​បង្ហាញលទ្ធផល សម្តេចធីបតី ហ៊ុន ម៉ាណែត អញ្ជើញចូលរួមថ្លែងសុន្ទរកថាពិសេស ក្នុងពិធីបើកសន្និបាតលើកទី៨០ គណៈកម្មការសេដ្ឋកិច្ច និងសង្គមរបស់អង្គការសហប្រជាជាតិសម្រាប់អាស៊ី-ប៉ាស៊ីហ្វិក នៅទីក្រុងបាងកក**ឯកឧត្តម ប្រាជ្ញ ចន្ទ ដឹកនាំកិច្ចប្រជុំ គ.ជ.ប ដើម្បីពិនិត្យ និងសម្រេចលើរបៀបវារៈសំខាន់ៗមួយចំនួន**អភិបាលខេត្តស្វាយរៀង កោតសរសើរ និងអរគុណកងកម្លាំងប្រដាប់អាវុធ អាជ្ញាធរពាក់ព័ន្ធទាំងអស់ដែលខិតខំចូលរួមការពារសន្តិសុខសណ្តាប់ធ្នាប់ជូនប្រជាពលរដ្ឋបានល្អក្នុងឱកាសបុណ្យចូលឆ្នាំខ្មែរ**ក្រសួងវប្បធម៌និងវិចិត្រសិល្បៈរៀបចំបើកវគ្គបណ្តុះបណ្តាលស្តីពីគរុកោសល្យ វិធីសាស្រ្តបង្រៀននិងគ្រប់គ្រងថ្នាក់រៀន ជំហាន២**ទេសរដ្ឋមន្រ្តី លី ធុជ ជួបប្រជុំទ្វេភាគីជាមួយ អនុរដ្ឋមន្រ្តីការបរទេសនៃសាធារណរដ្ឋហ្វីជី ដើម្បីស្វែងរកគាំទ្រក្នុងការធ្វើសកលភាវូនីយកម្មនៃអនុសញ្ញាអូតាវ៉ា**អនុប្រធានក្រុមប្រឹក្សាអូឡាំពិកអាស៊ី ប្ដេជ្ញាចូលរួមចំណែកគាំទ្រកម្ពុជាក្នុងការរៀបចំកីឡាយុវជន អូឡាំពិកអាស៊ីនាឆ្នាំ២០២៩**នាយឧត្តមសេនីយ៍ សៅ សុខា អញ្ជើញប្រកាសមុខតំណែង និងបំពាក់ឋានន្តរសក្តិ មេបញ្ជាការកងរាជអាវុធហត្ថខេត្តកំពង់ចាម**ក្រសួងទេសចរណ៍ ណែនាំស្តីពីការលើកកម្ពស់ការយកចិត្តទុកដាក់ក្នុងការបង្ការ និងការពន្លត់អគ្គីភ័យនៅក្នុងឧស្សាហកម្មទេសចរណ៍**សម្តេចតេជោ ហ៊ុន សែន ទទួលជួបសវនាការជាមួយ ប្រមុខរដ្ឋឡាវ**ព្រះមហាក្សត្រកម្ពុជា រៀបចំព្រះរាជពិធីទទួលស្វាគមន៍ និងសវនាការជូន ឯកឧត្ដម ថងលុន ស៊ីសុលីត និងជំទាវទី១ឡាវ ដែលមកបំពេញទស្សនកិច្ចផ្លូវរដ្ឋនៅកម្ពុជា**សម្តេចរដ្ឋសភាធិការធិបតី ឃួន សុដារី​ ទទួលជួបសវនាការជាមួយ ប្រធានក្រុមប្រឹក្សាសេដ្ឋកិច្ច និងសង្គមកិច្ចចិន**ឯកឧត្ដម ទេព អស្នារិទ្ធ ៖ អ្នកសារព័ត៌មានអាជីព ត្រូវគោរពក្រមសីលធម៌វិជ្ជាជីវៈ ដើម្បីទទួលបានជំនឿទុកចិត្ត និងសង្គមផ្តល់តម្លៃ**ប្រមុខរដ្ឋឡាវ អញ្ជើញបំពាក់កម្រងផ្កា និងគោរពព្រះវិញ្ញាណក្ខន្ធ ព្រះបរមរតនកោដ្ឋ នៅវិមានឯករាជ្យ**មន្ត្រីឯកទេសសុនខCMAC កម្ពុជា២រូប ទៅចូលរួមវគ្គហ្វឹកហ្វឺនបច្ចេកទេសសុនខល្បាត នៅប្រទេសអូស្ត្រាលី**អ្នកនាំពាក្យ៖ ៥ថ្ងៃក្មេងទំនើងចំនួន៤៣នាក់ ត្រូវនគរបាលឃាត់ខ្លួន

បទអត្ថាធិប្បាយ៖ការបង្កើនជើងហោះហើរត្រង់រវាងចិននិងកម្ពុជាជាសញ្ញាល្អសម្រាប់វិស័យទេសចរណ៍ និងសេដ្ឋកិច្ចកម្ពុជា


មន្ត្រីជាន់ខ្ពស់នៃរដ្ឋលេខាធិការដ្ឋានអាកាសចរស៊ីវិល និងអ្នកធ្វើការក្នុងវិស័យទេសចរណ៍នៅកម្ពុជាបានរំពឹងថា ការបើក«ជើងហោះហើរ»ដោយត្រង់រវាងកម្ពុជា និងចិនឡើងវិញ នឹងជំរុញកំណើនភ្ញៀវទេសចរ ព្រមទាំងអ្នកវិនិយោគឱ្យមកកម្ពុជាកាន់តែច្រើន បន្ទាប់ពីមានការកាត់បន្ថយអស់មួយរយៈដោយសារតែការវាយលុកពីជំងឺកូវីដ-១៩នៅលើសកលលោក។
ការផ្តល់ក្តីរំពឹងបែបវិជ្ជមាននេះ ក្រោយពីមានការប្តេជ្ញាចិត្តរវាងឯកឧត្តមឧបនាយករដ្ឋមន្ត្រីប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នៃប្រទេសកម្ពុជា និង ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្រ្តី ក្រសួងការបរទេស នៃសាធារណរដ្ឋប្រជាមានិតចិន នៅប្រទេសមីយ៉ាន់ម៉ា កាលពីថ្ងៃទី ៣ ខែកក្កដាថ្មីៗនេះ។
លោកស្រី ឆាយស៊ីវលីនប្រធានទីភ្នាក់ងារទេសចរណ៍កម្ពុជាបានប្រាប់វិទ្យុមិត្តភាពកម្ពុជាចិនថា ការឯកភាពគ្នារបស់ប្រមុខការទូតកម្ពុជាចិនក្នុងការបង្កើនជើងហោះហើរត្រង់រវាងប្រទេសទាំងពីរឡើងវិញជាសញ្ញាល្អមួយសម្រាប់វិស័យទេសចរណ៍ និងកំណើនសេដ្ឋកិច្ចកម្ពុជា។


លោកស្រីបញ្ជាក់ថា កន្លងមកភ្ញៀវទេសចរចិនមានការជួបលំបាកក្នុងការធ្វើដំណើរទៅវិញទៅមកដោយសារតែសំបុត្រយន្តហោះថ្លៃ និងពិបាកកក់សំបុត្រថែមទៀតផង ព្រោះតែជើងហោះហើររវាងប្រទេសទាំងពីរមានចំនួនតិច និងមានលក្ខខណ្ឌតឹងរឹងសម្រាប់អ្នកធ្វើដំណើរចូលប្រទេសចិន។
សំឡេង៖ «ភ្ញៀវទេសចរខ្វះមធ្យោបាយធ្វើដំណើរ ធ្វើឱ្យសំបុត្រយន្តហោះក៏ឡើងថ្លៃ ហើយមិនត្រឹមតែថ្លៃទេ ពិបាកក្នុងការកក់ទៅទៀត ។ ដូច្នេះ បើយើងមានជើងហោះហើរឱ្យកាន់តែសម្បូរបែបបន្តិចទៅគឺជំរុញឱ្យលំហូរភ្ញៀវទេសចរ ក៏ដូចជាការធ្វើដំណើររបស់ធុរៈកិច្ចផ្សេងៗកាន់តែច្រើន ហើយអាចជំរុញកំណើនសេដ្ឋកិច្ចឱ្យកើនជាងមុនផងដែរ»។
ឯកឧត្តមស៊ីន ចាន់សិរីវុត្ថា អនុរដ្ឋលេខាធិការ នៃរដ្ឋលេខាធិការដ្ឋានអាកាសចរស៊ីវិលបានប្រាប់វិទ្យុមិត្តភាពកម្ពុជាចិនថា ប្រទេសកម្ពុជាមិនដែលបិទជើងហោះហើរទេ ហើយកម្ពុជា ក៏ជាប្រទេសទី១នៅអាស៊ានដែលបានបើកចំហក្នុងការទទួលអ្នកដំណើរតាមផ្លូវអាកាស ព្រមទាំងបានកាត់បន្ថយការធ្វើចត្តាឡីស័ករបស់ភ្ញៀវពេលមកដល់កម្ពុជាដើម្បីបង្កភាពងាយស្រួលដល់ធ្វើដំណើរតាមផ្លូវអាកាសនេះ។
កន្លងមកនេះប្រទេសចិនបានដាក់វិធានការរឹតបណ្តឹងការធ្វើដំណើរ និងកាត់បន្ថយជើងហោះហើររបស់នៅតំបន់មួយចំនួននៃប្រទេសចិនយ៉ាងដឹងតែង ហើយសម្រាប់ការហោះហើរត្រង់ពីកម្ពុជាទៅចិន និងពីចិនមកកម្ពុជាក្នុងបរិបទកូវីដ-១០យើងធ្លាប់មានការហោះហើរមួយជើងមក និងមួយជើងទៅក្នុងមួយសប្តាហ៍។ក្រោយមកទៀតបានពីរជើងក្នុងមួយសប្តាហ៍ បានន័យថា ចេញពីកម្ពុជាពីរជើង និងមកពីចិនវិញពីរជើង។

ឯកឧត្តមបញ្ជាក់ថានៅដើមខែកក្កដានេះភាគីកម្ពុជានិងចិនបានឯកភាពគ្នាបើកឱ្យមានការហោះហើរពី កម្ពុជាទៅចិន និងពីចិនមកកម្ពុជាវិញរហូតដល់បីជើងទៅ និងបីជើងមកក្នុងមួយសប្តាហ៍។ ហើយប្រសិនបើស្ថានភាពកូវីដ-១៩នៅប្រទេសចិនមានលក្ខណៈធូរស្រាលអាចគ្រប់គ្រងបានភាគីចិននឹងបង្កើនជើងហោះហើរជាបណ្តើរៗថែមទៀត។
ឯកឧត្តមអ្នកនាំពាក្យជឿជាក់ថា ពេលភាគីចិនបានបង្កើនជើងហោះហើរឱ្យកាន់តែច្រើន ព្រមទាំងកាត់បន្ថយការធ្វើចត្តាឡីស័កសម្រាប់អ្នកធ្វើដំណើរឱ្យមករយៈពេលខ្លីនឹងធ្វើឱ្យវិស័យដឹកជញ្ជូនតាមផ្លូវអាកាសរវាង កម្ពុជាចិននឹងកើនឡើង ជាពិសេសភ្ញៀវទេសចរ និងអ្នកវិនិយោគ។
សំឡេង៖«ទំនាក់ទំនងផ្នែកវិនិយោគ សេដ្ឋកិច្ចរដ្ឋាបាល ជាពិសេសភ្ញៀវទេសចរ នឹងមានភាពល្អប្រសើរឡើងវិញ ពេលដែលយើងបានបើកទូលាយនូវការទទួលភ្ញៀវទេសចរតាមផ្លូវអាកាសនេះ ។ សម្រាប់អ្នកចាក់វ៉ាក់សាំងរួចរាល់។ការបង្កើនជើងហោះហើរនេះគឺជាសញ្ញាណឈានទៅរកភាពល្អប្រសើរច្រើន»។
បើតាមការព្យាករណ៍របស់អង្គការអាកាសចរស៊ីវិលអន្តរជាតិ និងអង្គការទេសចរណ៍អន្តរជាតិ បានឱ្យដឹងថា នៅចុងឆ្នាំ២០២៤ ឬដើមឆ្នាំ២០២៥ចំនួនភ្ញៀវដែលធ្វើដំណើរតាមផ្លូវអាកាសនឹងមានការកើនឡើងប្រហាក់ប្រហែលទៅនឹងកាលពីឆ្នាំ២០១៩គ្រាដែលមិនទាន់មានការផ្ទុះកូវីដ-១៩នៅលើពិភពលោក ។
គួរបញ្ជាក់ថា ទំនាក់ទំនងកម្ពុជា និងចិន ត្រូវបានភាគីទាំងពីរចាត់ទុកថា មិត្តដែកថែប ហើយចិនជាប្រទេសឈរនៅលំដាប់ទី១ លើវិស័យជាច្រើន ដូចជា ការវិនិយោគ ទំហំពាណិជ្ជកម្មទ្វេភាគី និងទេសចរណ៍ជាដើម។ ជាក់ស្តែងក្នុងពេលដែលវិបត្តិកូវីដ-១៩ចិនក្លាយជាប្រទេសដំបូងគេដែលបានផ្តល់ជំនួយវ៉ាក់សាំង និងសម្ភារៈបរិក្ខាពេទ្យទាន់ពេលវេលាតាមតម្រូវការរបស់កម្ពុជាដើម្បីប្រយុទ្ធប្រឆាំងជំងឺរាតត្បាតនេះរហូតដល់កម្ពុជាអាចគ្រប់គ្រងកូវីដ-១៩ជោគជ័យ និងបើកដំណើរការប្រទេសលើគ្រប់វិស័យឡើងវិញ៕
(អត្ថបទវិទ្យុមិត្តភាពកម្ពុជាចិន)

អត្ថបទដែលជាប់ទាក់ទង