នាយឧត្តមសេនីយ៍ សែម សុវណ្ណនី ដឹកនាំប្រជុំឆ្លងរបាយការណ៍ឆមាសទី១ ឆ្នាំ២០២២ នៃមជ្ឈមណ្ឌលជាតិរក្សាសន្តិភាព

ភ្នំពេញ៖ ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព នៅថ្ងៃទី៤ ខែកក្តដា ឆ្នាំ២០២២ បានអញ្ជើញជាអធិបតីដ៏ខ្ពង់ខ្ពស់ ដឹកនាំប្រជុំឆ្លងរបាយការណ៍ឆមាសទី១ ឆ្នាំ២០២២ នៃមជ្ឈមណ្ឌលជាតិរក្សាសន្តិភាព ដែលមានការចូលរួមពី ឯកឧត្តម លោកជំទាវ អគ្គនាយករង ប្រធាននាយកដ្ឋាន នៃមជ្ឈមណ្ឌលជាតិ និងមេបញ្ជាការ នាយទាហាន ដែលកំពុងបំពេញបេសកម្ម រក្សាសន្តិភាពនៅបណ្ដាប្រទេសចំនួន៥ រួមមាន ស៊ូដង់ ស៊ូដង់ខាងត្បូង ម៉ាលី អាហ្វ្រិកកណ្ដាល និងលីបង់ ។

កិច្ចប្រជុំនេះ ក៏បានលើកបង្ហាញពីស្នាដៃជាច្រើន របស់កងទ័ពមួកខៀវកម្ពុជា ក្នុងបេសកកម្ម អង្គការសហប្រជាជាតិ តាមបណ្ដាលប្រទេសដែលកំពុងបំពេញបេសកកម្ម ។

ព្រមជាមួយគ្នានោះ ឯកឧត្តម នាយឧត្តមសេនីយ៍ សែម សុវណ្ណនី ក៍បានផ្ដាំផ្ញើសួរសុខទុក្ខដ៍ខ្ពង់ខ្ពស់របស់ សម្ដេចអគ្គមហាសេនាបតីតេជោ ហ៊ុន សែន និងជូនពរដល់ នាយទាហាន នាយទាហានរង ដែលកំពុងបំពេញបេសកកម្ម រក្សាសន្តិភាព អង្គការសហប្រជាជាតិ ជោគជ័យគ្រប់ភារកិច្ចទៅគ្រប់មកគ្រប់ ។