ឧត្តមសេនីយ៍ឯក ចាប វន្នី អញ្ជើញជួបសំណេះសំណាលជាមួយយោធិននារី នៅតំបន់ប្រិតបត្តិការសឹករងតាកែវ
ភ្នំពេញ៖ ឯកឧត្តម ឧត្តមសេនីយ៍ឯក ចាប វន្នី មេបញ្ជាការរង កងទ័ពជើងគោក ទទួលបន្ទុកការងារយេនឌ័រ នាព្រឹកថ្ងៃទី០៤ ខែកក្កដា ឆ្នាំ២០២២ បានដឹកនាំប្រតិភូកងទ័ពជើងគោក ជួបសំណេះសំណាលជាមួយយោធិននារី នៃបញ្ជាការដ្ឋាន តំបន់ប្រតិបត្តិការសឹករងតាកែវ ។
នាឱកាសនោះ ឯកឧត្តម មេបញ្ជាការរង កងទ័ពជើងគោក បានផ្តាំផ្ញេីការសាកសួរសុខទុក្ខពីសំណាក់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក ជូនដល់ថ្នាក់ដឹកនាំយោធិនារី នៃបញ្ជាការដ្ឋានតំបន់ប្រតិបត្តិការសឹករងតាកែវ ទាំងអស់ ដែលបានខិតខំប្រឹងប្រែងប្រកបដោយស្មារតីទទួលខុសត្រូវខ្ពស់ក្នុងការការពារជាតិ បូរណភាពទឹកដី ថែរក្សាសុខសន្តិភាព សណ្តាប់ធ្នាប់សង្គម និងបានចូលរួមយ៉ាងសកម្មក្នុងការអភិវឌ្ឍប្រទេសជាតិកន្លងមក។
ឯកឧត្តម ឧត្តមសេនីយ៍ឯក ចាប វន្នី បាននាំយកនូវអំណោយ របស់ឯកឧត្តម មេបញ្ជាការកងទ័ពជើងគោក និងសប្បុរសជន រួមមាន ទឹកសុទ្ធ ៤៣កេស មីជាតិ ២០កេស មីម៉ាម៉ា ០៦យួរ ស្រាបៀរ ១០កេស ទឹកក្រូច ១០កេស ត្រីខ ០១កេស ម៉ាស់ ០១កេស ទឹកដោះគោ ០៣កេស និងនំបន្លែ ០២កេស ជូនដល់យោធិននារី នៃបញ្ជាការដ្ឋាន តំបន់ប្រតិបត្តិការសឹករងតាកែវផងដែរ៕
