អាជ្ញាធរខេត្ត និងអង្គការថែរក្សាកាពារធនធានធម្មជាតិ រួមគ្នាទប់ស្កាត់និងបង្ក្រាបបទល្មើសការពារធនធានធម្មជាតិ

រដ្ឋបាលខេត្តសៀមរាបនៅថ្ងៃទី៤កក្តដាឆ្នាំ២០២២នេះ បានសហការជាមួយអង្គការរក្សាការពារធនធានធម្មជាតិនិងរួមគ្នាទប់ស្កាត់ការពារបទល្មើស ឱ្យបានសំបូរបែបឡើងវិញ ទៅតាមប្រសាសន៍របស់រាជរដ្ឋាភិបាល។

លោក អ៊ឹង គឹមលាង អភិបាលរងខេត្ត តំណាងដ៍ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្ត បានលើកឡើងថា កិច្ចសហការរួមគ្នានេះធ្វើឡើងក្នុងគោលបំណង ដើម្បីជជែកពិភាក្សា ស្វែងរកកិច្ចសហប្រតិបត្តិការ សាមគ្គីគ្នាក្នុងការអនុវត្តការងារ ពាក់ព័ន្ឋនឹងការទប់ស្កាត់និងបង្ក្រាបបទល្មើសធនធានធម្មជាតិរវាងអាជ្ញាធរមានសមត្ថកិច្ច អាជ្ញាធរក្រុងស្រុក ជាមួយ អង្គការថែរក្សាការពារធនធានធម្មជាតិនិងអង្គការការពារបរិស្ថាននិងសិទ្ឋិពលរដ្ឋកម្ពុជា ឱ្យមានប្រសិទ្ធិភាពឡើងវិញ។ អង្គប្រជុំបានលើក ជាមតិយោបល់នូវបញ្ហាប្រឈមនិងសំណូមពរមួយចំនួនដើម្បីរួមគ្នាដោះស្រាយនិងមានវិធានការចំពោះបុគ្គលឬអង្គភាព អាជ្ញាធរសមត្ថកិច្ច ស្ថាប័នណាដែលប្រព្រឹត្តិផ្ទុយឬប្រាសចាកពីតួនាទី ភារកិច្ចនិងវិជ្ជាជីវៈជំនាញរបស់ខ្លួន ក្នុងនោះ អាជ្ញាធរក្រុង ស្រុក និងមន្ត្រីជំនាញពាក់ព័ន្ឋ ត្រូវស្នើឱ្យអង្គប្រជុំយកចិត្តទុកដាក់ទៅលើការប្រើប្រាស់ឯកសណ្ឋាន សិទ្ឋិនិងតួនាទីរបស់វិស័យអង្គការសង្គម សមាគម នានាបានយល់។

លោកបន្តថា ការលើកបែបនេះ ដោយកន្លងមកមាន សមាគម អង្គការសង្គមស៊ីវិលខ្លះ និងស្ថាប័នអ្នកសារព័ត៌មានមួយចំនួន ពេលជួបបទល្មើសពួកគាត់មិនបានសុំការសហការពីអាជ្ញាធរដែនដីឬកម្លាំងសមត្ថកិច្ចនោះទេ ជាហេតុនាំឱ្យរំខានដល់ការប្រកបមុខរបរតូចតាចពីអនុផលព្រៃឈើរបស់បងប្អូនប្រជាពលរដ្ឋបណ្តាលឱ្យគាត់មានការថ្នាំងថ្នាក់ជាបន្តបន្ទាប់។ លោក លីវ សុខុន ប្រធានមន្ទីរព័ត៌មានខេត្តមានប្រសាសន៍ថា៖ពាក់ព័ន្ឋទៅនឹងវិស័យព័ត៌មានថ្មីត្បិតតែមន្ទីរមិនមានសិទ្ឋិក្នុងការត្រួតពិនិត្យ គ្រប់គ្រងនិងតាមដានសកម្មភាពរបស់ស្ថាប័នព័ត៌មានឯកជនក្តី តែមន្ទីរតែងតែសហការនិងណែនាំដល់គ្រប់អង្គភាពព័ត៌មានដែលអាជ្ញាប័ណ្ណមានសុពលភាពដើម្បីយកមកចុះបញ្ជី ព្រមទាំងតែងតែសហការសម្របសម្រួលនិងដោះស្រាយភាពប្រទាំងប្រទើសជាច្រើនរវាងអាជ្ញាធរដែនដីនិងសមត្ថកិច្ចជាមួយអ្នកសារព័ត៌មានពុំដែលធ្វេសឡើយ ហើយក៍នៅតែបន្តពង្រឹងសហការគ្រប់ជ្រុងជ្រោយជាមួយអាជ្ញាធរក្រុងស្រុក ក៍ដូចជាមន្ត្រីមានសមត្ថកិច្ចដើម្បីទប់ស្កាត់ជនបន្លំជាអ្នកសារព័ត៌មានឬអ្នកព័ត៌មានណាដែលពុំមានលិខិតឧទ្ទេសនាមនិងប័ណ្ណសម្គាល់ខ្លួន និងប្រើប្រាស់តួនាទីប្រាសចាកពីក្រមសីលធម៌និងវិជ្ជាជីវៈជាអ្នកសារព័ត៌មាន។

ថ្លែងបូកសរុបអង្គប្រជុំ លោក អ៊ឹង គឹមលាង អភិបាលរងខេត្ត បានជំរុញនិងណែនាំឱ្យមន្ទីរព័ត៌មានខេត្តបន្តគ្រប់គ្រងនិងស្រង់ទិន្នន័យនិងចុះបញ្ជីនូវស្ថាប័នព័ត៌មានដែលមានសុពលភាពក្នុងខេត្តទាំងអស់ ហើយអាជ្ញាធរខេត្តនឹងលៃលកពេលវេលាសមស្របណាមួយរៀបចំជួបប្រជុំជាមួយបណ្តាញសារព័ត៌មានក្នុងខេត្ត។លោកអភិបាលរងខេត្តបានផ្តល់ចំណុចគន្លឺះសំខាន់ៗមួយចំនួនដើម្បីឱ្យ កិច្ចការពាក់ព័ន្ឋនឹងកិច្ចសហការលើការងារទប់ស្កាត់និងបង្ក្រាបបទល្មើស រវាងអាជ្ញាធរសមត្ថកិច្ច ជាមួយ អង្គការ សមាគម និងអ្នកសារព័ត៌មាន ប្រព្រឹត្តិទៅដោយត្រឹមត្រូវ ស្របតាមបទដ្ឋានច្បាប់គតិយុត្តិនានា និងនិតិវិធី តាមជំនាញនិងវិជ្ជាជីវៈរៀងៗខ្លួន។លោក មានប្រសាសន៍ថា៖ចំពោះអង្គការ សមាគម ត្រូវគោរពតាមលក្ខន្តិកៈរបស់ខ្លួននិងបានចុះបញ្ជីត្រឹមត្រូវតាមច្បាប់ ហើយមានតួនាទីពេញលេញទៅលើតែការសហការចូលរួម ផ្តល់ព័ត៌មាន អង្គេត និងតាមដាន ពុំមានតួនាទីក្នុងការស្រាវជ្រាវលើករណីបទល្មើសណានិមួយឡើយ លើកលែងតែមានការសុំដីកាពីព្រះរាជអាជ្ញានិងសុំគោលការណ៍និងចំណាឯកភាពពីអាជ្ញាធរខេត្ត ជាពិសេសចូលរួមគោរពច្បាប់និងបទដ្ឋានគតិយុត្តិនានាដែលមានជាធរមាន ចៀសវាងការរំលោភសិទ្ឋិគ្នា៕