អភិបាលខេត្តពោធិ៍សាត់ បន្តជួបសំណេះសំណាល ជាមួយគណៈគ្រប់គ្រង លោកគ្រូ អ្នកគ្រូ និងបុគ្គលិកអប់រំ ទូទាំងក្រុងពោធិ៍សាត់
ពោធិ៍សាត់៖ នៅព្រឹកថ្ងៃទី១៨ ខែមករា ឆ្នាំ២០២៦ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានបន្តអញ្ជើញជួបសំណេះសំណាល ជាមួយគណៈគ្រប់គ្រង លោកគ្រូ អ្នកគ្រូ និងបុគ្គលិកអប់រំ ទូទាំងក្រុងពោធិ៍សាត់ ប្រមាណ១,០៧៣នាក់ នៅស្ថិតក្នុងភូមិមាន់ចែ សង្កាត់ព្រៃញី ក្រុងពោធិ៍សាត់។
ក្នុងឱកាសនោះ ឯកឧត្តម អភិបាលខេត្ត បានសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់បុគ្គលិកអប់រំទាំងអស់ ដែលបានលះបង់កម្លាំងកាយចិត្តក្នុងការបង្រៀន និងរៀន។
ឯកឧត្តមអភិបាលខេត្ត បន្ដថា ការជួបជុំនេះ គឺជាផ្នែកមួយនៃយុទ្ធសាស្ត្រពង្រឹងគុណភាពអប់រំ និងការផ្សារភ្ជាប់ទំនាក់ទំនងរវាងរដ្ឋបាលខេត្ត ជាមួយមន្ត្រីរាជការនៅក្រោមឱវាទ ដើម្បីរួមគ្នាអភិវឌ្ឍន៍មូលដ្ឋានឱ្យកាន់តែរឹងមាំ៕
