អតីតទូតជប៉ុនប្រចាំកម្ពុជា អញ្ជើញទស្សនាការដាក់បង្ហាញ សំណល់យុទ្ធភណ្ឌសង្គ្រាម នៅសារមន្ទីរសន្តិភាពសកម្មភាពមីន ខេត្តសៀមរាប

ភ្នំពេញ៖ នៅព្រឹកថ្ងៃ៤ ខែកក្កដា ឆ្នាំ២០២២ ឯកឧត្ដម ហេង រតនា អគ្គនាយកស៊ីម៉ាក់ បានទទួលដំណើរទស្សនកិច្ចឯកឧត្តម Gotaro OGAWA អតីតឯកអគ្គរដ្ឋទូតជប៉ុនប្រចាំកម្ពុជា ចន្លោះឆ្នាំ២០០០ ដល់២០០៣ និងលោកជំទាវ ព្រមទាំងឯ.ឧ Asahiko Mihara ជាទីប្រឹក្សាពិសេសរបស់JICA និងអតីត:សមាជិកសភា ព្រមទាំង គណៈប្រតិភូ អញ្ជើញទស្សនាការដាក់បង្ហាញ សំណល់យុទ្ធភណ្ឌសង្គ្រាម នៅសារមន្ទីរសន្តិភាពសកម្មភាពមីន ខេត្តសៀមរាប។

ក្នុងដំណើរទស្សនកិច្ចនេះ ឯកឧត្តម Gotaro OGAWA និងគណៈប្រតិភូ មានក្តីរំភើបរីករាយបានកោតសរសើរ ចំពោះការរីកចម្រើនលើគ្រប់វិស័យរបស់កម្ពុជា ក្រោមការដឹកនាំរបស់សម្តេចតេជោ។

ឯកឧត្តម Gotaro OGAWA ក៏បានបង្ហាញនៅក្តីរីករាយដែលបាន មកទស្សនាសារមន្ទីរសន្តិភាព សកម្មភាពមីនរបស់អង្គភាពស៊ីម៉ាក់ និងមានជំនឿថា សារមន្ទីរនេះ មានអត្តប្រយោជន៍ដ៍ធំធេងក្នុងការ អប់រំផ្សព្វផ្សាយដល់ប្រជាជនកម្ពុជា និងពិភពលោកជំនាន់ក្រោយៗទៀត បានស្គាល់និងស្វែងយល់មរតក សំណល់យុទ្ធភណ្ឌសង្គ្រាមដែលបាន បង្កទុក្ខវេទនាទាំងក្នុងសង្គ្រាម និងក្រោយសង្គ្រាមបានបញ្ចប់ ៕