លោកជំទាវ ទី បូរ៉ាស៊ី អញ្ជើញក្នុងពិធីដាក់ទានព្រះវស្សាវេរប្រគេនព្រះសង្ឃគង់នៅវត្តទាំង៦ ក្នុងឃុំជ្រៃលាស់
ភ្នំពេញ៖ លោកជំទាវ ទី បូរ៉ាស៊ី ប្រធានគណៈកម្មការទី៥ ព្រឹទ្ធសភា អមដំណើរដោយលោក ស៊ឹម សុខវិបូរ ប្រធានលេខាធិការដ្ឋានសមាគមសង្គហៈនៃ អ.ពស កាលពីថ្ងៃទី២ ខែកក្កដា ឆ្នាំ២០២២ បានអញ្ជើញចុះមូលដ្ឋានឃុំជ្រៃលាស់ ស្រុកពញាឮ ដើម្បីចូលរួមជាមួយឯកឧត្តម ម៉ៅ ហាក់ និងក្រុមការងារ លោក ម៉ៅ សម មេឃុំជ្រៃលាស់ ក្នុងពិធីដាក់ទានព្រះវស្សាវេរប្រគេនព្រះសង្ឃគង់នៅវត្តទាំង៦ក្នុងឃុំជ្រៃលាស់។
អញ្ជើញជាតំណាងនាំយកសម្ភារ និងថវិកាប្រគេនព្រះសង្ឃដល់វត្តទាំង៦ រួមមានឯកឧត្តម ម៉ៅ ហាក់ ប្រធានក្រុមការងារចុះមូលដ្ឋានឃុំជ្រៃលាស់ និងក្រុមការងារ លោក ម៉ៅ សម មេឃុំជ្រៃលាស់ និងសហការី។
ក្រៅពីវត្តទាំង៦នៃឃុំជ្រៃលាស់ លោកជំទាវមានសទ្ធាជ្រះថ្លាបវារណាប្រគេនព្រះសង្ឃគង់ចាំព្រះវស្សាក្នុងវត្តព្រែកប្រាំង ឃុំកំពង់លួង ស្រុកពញាឮ ដែលមានសម្តេចព្រះឧត្តមបញ្ញាព្រះនាមដូង ផង់ ជាព្រះចៅអធិការនូវសម្ភារ និងបច្ច័យរួមមាន អង្ករចំនួន១០០គីឡូក្រាម ទឹកបរិសុទ្ធVitalចំនួន២កេស ទឹក Coca ១កេស នំធុង១ធុង នំពិសេស៣កែស ទឹកសណ្តែកល្អ១កេស ផ្លែមៀនចំការផ្ទាល់ ១កញ្ជើរ និងបច្ច័យ ចំនួន១,០៥០,០០០រៀល និងបវារណាប្រគេនព្រះសង្ឃគង់ចាំព្រះវស្សាក្នុងវត្តសុវណ្ណវារី ឃុំព្រែកតាទែន ដែលមានសម្តេចព្រះឧត្តមមុនី ជា សំអាង ព្រះមេគណ ខេត្តកណ្តាល ជាព្រះចៅអធិការចំនួន១,០០០,០០០រៀល។
អញ្ជើញជាតំណាងនាំយកសម្ភារ និងថវិកាប្រគេនព្រះសង្ឃដល់វត្តទាំង២រួមមាន លោកថន សុវណ្ណា អភិបាលស្រុក និងលោក នុត ប៉ាត ទីប្រឹក្សាក្រសួងធនធានទឹកនិងឧតុនិយម និងសហការី៕
