តំបន់ប្រតិបត្តិការសឹករងស្វាយរៀង បើកវគ្គហ្វឹកហ្វឺនពង្រឹងអង្គភាព រយៈពេល ៣ខែ ប្រចាំឆ្នាំ២០២២
ភ្នំពេញ៖ នៅថ្ងៃទី១ ខែកក្កដា ឆ្នាំ២០២២ ទីបញ្ជាការតំបន់ប្រតិបត្តិការសឹករងស្វាយរៀង បានធ្វើពិធីបើកវគ្គហ្វឹកហ្វឺនពង្រឹងអង្គភាព តំបន់ប្រតិបត្តិការសឹករងស្វាយរៀង រយ:ពេល៣ខែ ប្រចាំឆ្នាំ២០២២ ក្រោមអធិបតីភាពឯកឧត្តម រស់ ផារិទ្ធ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្តស្វាយរៀង និងដោយមានការអញ្ជើញចូលរួមលោកឧត្តមសេនីយ៍ត្រី អ៊ុ សាវ៉ាត មេបញ្ជាការរង និងជានាយសេនាធិការ តំណាងឯកឧត្តម ឧត្តមសេនីយ៍ទោ ប៉ែន សារ៉ុន មេបញ្ជាការតំបន់ប្រតិបត្តិការសឹករងស្វាយរៀង លោកឧត្តមសេនីយ៍ត្រីឡុក សេង នាយរងការិយាល័យទី៤ កងទ័ពជើងគោក លោកនាយរងការិយាល័យហ្វឹកហ្វឺនយោធភូមិភាគទី២ លោកមេបញ្ជាការរង នាយសេនាធិការរងនាយ នាយរងការិយាល័យ នាយ នាយរងផ្នែក មេបញ្ជាការផ្នែកសឹករងទាំង៨ក្រុង ស្រុក មេញ្ជាការវរសេនាតូចទាំង២ចំណុះតំបន់ប្រតិបត្តិការសឹករងស្វាយរៀង រួមទាំងសិក្ខាកាម និងយោធាចារ្យ៨០នាក់។
លោក រស់ ផារិទ្ធ អភិបាលរងខេត្តស្វាយរៀង បានកោតសរសើរនូវការអភិវឌ្ឍរីកចម្រើនរបស់តំបន់ប្រតិបត្តិការសឹករងស្វាយរៀង និងស្នើឱ្យសិក្ខាកាមទាំងអស់ត្រូវខិតខំយកកម្លាំងកាយចិត្តប្រឹងប្រែងរៀនសូត្រដើម្បីមានសម្ត្ថភាពក្នុងប្រតិបត្តិក្នុងការងាររបស់យោធិនម្នាក់ៗពេលត្រឡប់ទៅអង្គភាពវិញ។
ឯកឧត្តមអភិបាលរងខេត្តក៏បានលើកឡើងពីសភាពការណ៍វិវត្តន៍ថ្មីៗទាំងនៅក្នុងប្រទេសក៏ដូចជាសភភាពការនៅក្នុងពីភពលោក បានផ្ដាំផ្ញើដល់សិក្ខាកាមទាំងអស់ត្រូវយកចិត្តទុកដាក់ថែរក្សាសុខភាពឲ្យបានល្អជាពិសេសការពារខ្លួនពីជំងឺកូវីដ-១៩ ដែលរំខានដល់ការហ្វឹកហ្វឺនរបស់យើង ត្រូវលើកកម្ពស់សាមគ្គីភាពក្នុងវគ្គឲ្យមានភាពល្អប្រសើរ មិនត្រូវសេពគ្រឿងស្រវឹងនៅក្នុងបរិវេនហ្វឹកហ្វឺន និងត្រូវគោរពឲ្យបានដាច់ខាតនូវបទបញ្ជាផ្ទៃក្នុងវគ្គ។
ឯកឧត្តម រស់ ផារិទ្ធ បាននាំយកថវិកាចំនួន ៥,០០០,០០០រៀល ដែលជាការឧបត្ថម្ភរបស់ឯកឧត្តម ម៉ែន វិបុល អភិបាលខេត្តស្វាយរៀង ម៉ាស់ ១កេះ និងអាល់កុល ១កានជូនដល់វគ្គហ្វឹកហ្វឺននេះ ៕
