តំណាងរាស្រ្តខេត្តព្រះសីហនុ អញ្ជេីញជាអធិបតីក្នុងពិធីបុណ្យឆ្លងចេតិយសាធារណៈ ក្នុងវត្តពោធិមានជ័យ ស្រុកស្ទឹងហាវ

ភ្នំពេញ៖ តំណាងរាស្រ្តមណ្ឌលខេត្តព្រះសីហនុ ឯកឧត្ដម តាក វណ្ណថា ឯកឧត្ដម នេន ម៉ាល័យ រួមជាមួយ ឯកឧត្ដម សៅ សុភាព រដ្ឋលេខាធិការក្រសួងបរិស្ថាន និងជាប្រធានក្រុមការងារចុះមូលដ្ឋានស្រុកស្ទឹងហាវ បានអញ្ជេីញជាអធិបតីក្នុងពិធីបុណ្យឆ្លងចេតិយសាធារណៈ និងពុទ្ធាភិសេក ក្នុងបរិវេណវត្តពោធិមានជ័យ ភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ។

ចេតិយសាធារណៈនេះមានកំពស់៣ជាន់ បានផ្ដួចផ្ដេីមគំនិតកសាងឡេីងដោយលោកស្រី សួន ទេវី ព្រមទាំងក្រុមគ្រួសារ ដែលបានចំណាយថវិកាផ្ទាល់ខ្លួនសរុប ១០៧,៥៨០ ដុល្លារ សម្រាប់ដាក់ធាតុ ១,៩៤៨ និងកោដ្ឋបានប្រមាណ ៦០០០ ដល់ ៧០០០ កោដ្ឋ ទុកសម្រាប់ប្រេីប្រាស់ជាប្រយោជន៍ដល់ប្រជាពលរដ្ឋក្នុងស្រុកស្ទឹងហាវ ខេត្តព្រះសីហនុ ។

ក្នុងពិធីនេះដែរ ឯកឧត្តមតំណាងរាស្ត្រ និងក្រុមការងារ បានឧបត្ថម្ភជូនប្រជាពលរដ្ឋក្រីក្រចំនួន១០០នាក់ ក្នុងម្នាក់ៗទទួលបាន ក្រមា១ សារុង១ និងថវិកាចំនួន២មុឺនរៀល និងបានឧបត្ថម្ភជូនវិទ្យាល័យស្ទឹងហាវ ចំនួន២លានរៀល និងអនុវិទ្យាល័យទំនប់រលកថ្មីចំនួន១លានរៀល៕