ឧត្តមសេនីយ៍ឯក លឹម សុខារស្មី ដឹកនាំកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងលើកទិសដៅអនុវត្តបន្តខែធ្នូ ឆ្នាំ២០២៥ របស់នាយកដ្ឋានគ្រប់គ្រងសន្តិសុខឯកជន
ភ្នំពេញ ៖ ថ្ងៃសុក្រ ១កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែវិច្ឆិកា ឆ្នាំ២០២៥ នាយកដ្ឋានគ្រប់គ្រងសន្តិសុខឯកជន បានបើកកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងលើកទិសដៅអនុវត្តបន្តខែធ្នូ ក្ឆ្នាំ២០២៥ ក្រោមអធិបតីភាព ឯកឧត្តម ឧត្តមសេនីយ៍ឯក លឹម សុខារស្មី ប្រធាននាយកដ្ឋានគ្រប់គ្រងសន្តិសុខឯកជន ដោយមានការចូលរួមពី លោក-លោកស្រី អនុប្រធាននាយកដ្ឋាន និងនាយការិយាល័យជំនាញទាំង៦ ចំណុះនាយកដ្ឋានគ្រប់គ្រងសន្តិសុខឯកជន ។
ក្នុងកិច្ចប្រជុំ មានរបៀបវារៈ និងទិសដៅការងារមួយចំនួនដូចខាងក្រោម៖
*របៀបវារៈ
១.អាន និងវាយតម្លៃរបាយការណ៍ប្រចាំខែវិច្ឆិកា ឆ្នាំ២០២៥
២.សេចក្តីរាយការណ៍លទ្ធផលការងារ បញ្ហាប្រឈម សំណូមពរ និងទិសដៅ របស់នាយការិយល័យជំនាញទាំង៦
៣.ផ្សព្វផ្សាយ អនុក្រឹត្យលេខ១៧៧ អនក្រ ប.ក ចុះថ្ងៃទី២៩ ខែកញ្ញា ឆ្នាំ២០២៥ របស់រាជរដ្ឋាភិបាលកម្ពុជា ស្ដីពី ឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា
៤.អនុសាសន៍ដឹកនាំ និងលើកទិសដៅបន្ត របស់ ឯកឧត្តម ឧត្តមសេនីយ៍ឯក លឹម សុខារស្មី ប្រធាននាយកដ្ឋាន។
ក្នុងឱកាសនោះ ឯកឧត្តម ឧត្តមសេនីយ៍ឯក លឹម សុខារស្មី បានអនុសាសន៍ដឹកនាំមួយចំនួនរួមមាន៖
១.គ្រប់ការិយាល័យជំនាញ ត្រូវផ្សព្វផ្សាយ អនុក្រឹត្យលេខ១៧៧ អនក្រ ប.ក ស្ដីពី ឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា ដល់មន្ត្រីក្រោមឱវាទ
២.គ្រប់ការិយាល័យជំនាញ ត្រូវមានសកម្មភាពការងារ និងបង្កើតនូវស្នាដៃថ្មីៗជានិច្ច និងក្ដាប់ឱ្យបានរាល់សុខទុក្ខរបស់មន្ត្រីក្រោមឱវាទ
៣.ពង្រឹងរបៀបរបបកិច្ចប្រជុំប្រចាំខែ
៤. ត្រូវប្រកាន់ខ្ជាប់នូវវិន័យ សីលធម៌ អាកប្បកិរិយាថ្លៃថ្នូរ ម៉ឺងម៉ាត់ ក្នុងនាមជាមន្ត្រីនគរបាលជាតិ
៥.យកចិត្តទុកដាក់គ្រប់គ្រងលំហូរឯកសារចេញ-ចូល ពិសេសត្រូវអនុវត្តរាល់ចំណាររបស់ថ្នាក់ដឹកនាំ។
ដើម្បីអនុវត្តភារកិច្ចឱ្យមានប្រសិទ្ធភាពបន្ថែមទៀត ឯកឧត្តមប្រធាននាយកដ្ឋាន បានដាក់ចេញនូវទិសដៅការងារចំនួន៧ចំនុច៖
១.ពង្រឹងវេនប្រចាំបញ្ជារបស់នាយកដ្ឋាន
២.ក្ដាប់សភាពការណ៍តាមបណ្តាព្រំដែន កម្ពុជា-ថៃ
៣.ក្ដាប់សភាពការណ៍សន្តិសុខនយោបាយ
៤.ត្រៀមកម្លាំង២៤ម៉ោង លើ២៤ម៉ោង ដើម្បីអនុវត្តបទបញ្ជារបស់ថ្នាក់ដឹកនាំ
៥.ដំឡើងបញ្ជីគោលដៅស្មុគស្មាញ និង ងាយរងគ្រោះ
៦.បន្តចុះបច្ចុប្បន្នភាពតាមបណ្តាសហគ្រាស គ្រឹះស្ថាន
៧.សិក្សា វាយតម្លៃ ដើម្បីបើកវគ្គបំប៉នជំនាញភ្នាក់ងារសន្តិសុខឯកជន តាមបណ្ដាខេត្ត៕
