អភិបាលខេត្តឧត្ដរមានជ័យ ទទួលស្វាគមន៍ក្រុមយុវជន «គីឡូម៉ែត្រដើម្បីខ្មែរ Charity Run 2025» ក្នុងគោលបំណងស្វែងយល់ស៊ីជម្រៅអំពីរបៀបរបបរស់នៅ របស់បងប្អូនប្រជាពលរដ្ឋដែលជាជនភៀសសឹក

ឧត្ដរមានជ័យ៖ នៅព្រឹកថ្ងៃទី១៨ ខែតុលា ឆ្នាំ២០២៥នេះ ឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្ដរមានជ័យ បានដឹកនាំក្រុមការងារទទួលស្វាគមន៍ ចំពោះក្រុមយុវជន «គីឡូម៉ែត្រដើម្បីខ្មែរ Charity Run 2025» ដែលដឹកនាំដោយ ឯកឧត្ដម យ៉េត វីណែល អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ក្នុងគោលបំណងសំខាន់ក្នុងការ ស្វែងយល់ស៊ីជម្រៅអំពីរបៀបរបបរស់នៅ របស់បងប្អូនប្រជាពលរដ្ឋដែលជាជនភៀសសឹក និងនាំយកគ្រឿងឧបភោគបរិភោគឧបត្ថម្ភដល់វីរៈកងទ័ពជួរមុខ ដែលកំពុងឈរជើងបំពេញបេសកកម្មការពារបូរណភាពទឹកដីតាមតំបន់ព្រំដែនក្នុងភូមិសាស្ត្រខេត្តឧត្តរមានជ័យ។

ឯកឧត្ដមអភិបាលខេត្ត ក៏បានបង្ហាញពីការគាំទ្រយ៉ាងពេញលេញ ក្នុងការផ្តល់ទិន្នន័យចាំបាច់ និងសម្របសម្រួលឱ្យក្រុមយុវជនបានចុះដល់សហគមន៍ផ្ទាល់ ដើម្បីស្តាប់ និងដកស្រង់បទពិសោធន៍ពីបងប្អូនអតីតជនភៀសសឹកផងដែរ។

គួរបញ្ជាក់ថា ក្រុមយុវជន «គីឡូម៉ែត្រដើម្បីខ្មែរ Charity Run 2025» មិនត្រឹមតែមកប្រមូលរឿងរ៉ាវដើម្បីត្រៀមរៀបចំកម្មវិធីរត់សប្បុរសធម៌ប៉ុណ្ណោះទេ ប៉ុន្តែពួកគេមកដើម្បី រៀនសូត្រពីភាពអត់ធ្មត់ ការតស៊ូ ការស្រឡាញ់ជាតិ និងការព្យាយាមងើបឈរឡើងវិញរបស់បងប្អូនជនភៀសសឹក ដែលជាជនរងគ្រោះពីសង្រ្គាមឃ្លានពានរបស់ថៃមកលើកម្ពុជាផងដែរ៕