មហាសេដ្ឋីបច្ចេកវិទ្យា Elon Musk ប្រកាសថា ក្រុមហ៊ុន Neuralink របស់លោកបច្ចុប្បន្នមានអ្នកជំងឺចំនួន១២នាក់ ដែលទទួលបានការដាក់ឧបករណ៍បញ្ចូលក្នុងខួរក្បាល

បរេស៖ បើតាមការចេញផ្សាយដោយសារព័ត៌មាន Reuters នៅថ្ងៃទី១០ ខែកញ្ញា ឆ្នាំ២០២៥ មហាសេដ្ឋីបច្ចេកវិទ្យា Elon Musk បានប្រកាសថា ក្រុមហ៊ុន Neuralink របស់លោកបច្ចុប្បន្នមានអ្នកជំងឺចំនួន១២នាក់ ដែលទទួលបានការដាក់ឧបករណ៍បញ្ចូលក្នុងខួរក្បាលគិតត្រឹមខែកញ្ញា ឆ្នាំ២០២៥។ ចំនួននេះកើនឡើងពីត្រឹមតែ ៧នាក់ប៉ុណ្ណោះ។

យោងតាមរបាយការណ៍ ក្រុមអ្នកជំងឺទាំងនេះ (ភាគច្រើនមានជំងឺពិការ ឬពិការភាពក្នុងការគ្រប់គ្រងរាងកាយ) បានប្រើប្រាស់ឧបករណ៍សរុបជាង ២០០០ថ្ងៃ និងមានម៉ោងប្រើប្រាស់ជាង ១៥,០០០ ម៉ោង។ ឧបករណ៍នេះអនុញ្ញាតឲ្យពួកគេអាចគ្រប់គ្រងឧបករណ៍ឌីជីថល ឬឧបករណ៍ផ្សេងៗបានតាមរយៈការគិត។

ក្រុមហ៊ុន Neuralink ក៏បានប្រកាសផងដែរថា នឹងចាប់ផ្តើមធ្វើការសិក្សាពីគ្លីនិកនៅចក្រភពអង់គ្លេស ដោយសហការជាមួយមន្ទីរពេទ្យ University College London Hospitals និង Newcastle Hospitals។

Neuralink បានចាប់ផ្តើមធ្វើតេស្តលើមនុស្សនៅឆ្នាំ២០២៤ បន្ទាប់ពីបានជួបប្រទះបញ្ហាសុវត្ថិភាព និងការបដិសេធពីអាជ្ញាធរអាហារ និងឱសថអាមេរិក (FDA) នៅឆ្នាំ២០២២។ នៅខែមិថុនា ឆ្នាំ២០២៥ ក្រុមហ៊ុនក៏ទទួលបានទុនបន្ថែមចំនួន ៦៥០លានដុល្លារ ដើម្បីពង្រឹងគម្រោង។ ក្រៅពីនេះ Neuralink មានគម្រោងធំ ដើម្បីបន្តការដាក់ឧបករណ៍បន្ទះឈីបចូលក្នុងក្បាលអ្នកជំងឺប្រមាណ ២០,០០០ នាក់ក្នុងមួយឆ្នាំ និងកំណត់គោលដៅទទួលបានប្រាក់ចំណូលប្រមាណ ១ពាន់លានដុល្លារក្នុងឆ្នាំ២០២៣១៕