អតីតយុទ្ធជន៤០គ្រួសារ ក្នុងខេត្តបាត់ដំបងនឹងទទួលបានផ្ទះ និងដី អំណោយដ៏ថ្លៃថ្លាពីសម្តេចធិបតី ហ៊ុន ម៉ាណែត
ភ្នំពេញ៖ អតីតយុទ្ធជនចំនួន៤០គ្រួសារ នឹងទទួលបានផ្ទះ និងដីសម្បទានសង្គមកិច្ច ដើម្បីរស់នៅបង្កបង្កើនផល ចិញ្ចឹមជីវិតក្នុងគ្រាចូលនិវត្តន៍ ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាអនុប្រធានទី១សមាគមអតីតយុទ្ធជនកម្ពុជា ផ្ដល់ជូនតាមរយៈអ្នកឧកញ៉ា វិញ ហួរ ប្រធានក្រុមប្រឹក្សាភិបាលក្រុមហ៊ុន កំពតផត ស្ថិតក្នុងឃុំដូនបារ ស្រុកគាស់ក្រឡ ខេត្តបាត់ដំបង។ នេះបើយោងតាមការឱ្យដឹងពីសមាគមអតីតយុទ្ធជនកម្ពុជា។
ពិធីប្រគល់ និងទទួលអំណោយដ៏ថ្លៃថ្លានេះនឹងធ្វើឡើងក្រោមអធិបតីភាពឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា នៅថ្ងៃទី ២៨ ខែសីហា ឆ្នាំ២០២៥ ស្អែកនេះ៕
