ឯកឧត្តម ហេង ណន ដឹកនាំកិច្ចប្រជុំប្រចាំខែ ស្ដីពីវឌ្ឍនភាពការងារ និងផែនការសកម្មភាពរបស់អគ្គនាយកដ្ឋានភស្តុភារកម្ម

ភ្នំពេញ៖ នាថ្ងៃសុក្រ ទី១៥ ខែសីហា ឆ្នាំ២០២៥ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំ ដើម្បីពិនិត្យនូវលទ្ធផលការងារដែលសម្រេចបាន និងទិសដៅការងារសម្រាប់ខែបន្ទាប់ ក្នុងឆ្នាំ២០២៥ របស់អគ្គនាយកដ្ឋានភស្តុភារកម្ម ដោយមានការអញ្ជើញចូលរួមពី ឯកឧត្តម លោកជំទាវ អនុរដ្ឋលេខាធិការ លោកជំទាវអគ្គនាយក នៃអគ្គនាយកដ្ឋានភស្តុភារកម្ម លោកអគ្គនាយករង លោកប្រធាននាយកដ្ឋានក្រោមឱវាទអគ្គនាយកដ្ឋាន ព្រមទាំងមន្ត្រីជំនាញពាក់ព័ន្ធជាច្រើនរូបផងដែរ។

កិច្ចប្រជុំនេះត្រូវបានរៀបចំឡើង ដើម្បីពិនិត្យនូវរាល់សកម្មភាពការងារដែលអគ្គនាយកដ្ឋានត្រូវបន្តអនុវត្ត។ ទន្ទឹមនឹងលទ្ធផលការងារដែលសម្រេចបាន កិច្ចប្រជុំក៏បានពិនិត្យលើបញ្ហាប្រឈមនានា លើការអនុវត្តការងារកន្លងមក ដើម្បីស្វែងរកដំណោះស្រាយ ព្រមទាំងត្រៀមអនុវត្តផែនការសកម្មភាពសម្រាប់ខែបន្ទាប់ក្នុង ឆ្នាំ២០២៥ សំដៅធ្វើយ៉ាងណាឱ្យការងារកំពុងអនុវត្ត និងត្រៀមអនុវត្តកាន់តែមានប្រសិទ្ធភាព ស្របទៅតាមផែនការសកម្មភាពរបស់អគ្គនាយកដ្ឋានដែលបានគ្រោងប្រចាំឆ្នាំ៕