មណ្ឌលគិរី៖ នៅព្រឹកថ្ងៃទី១៣ ខែសីហា ឆ្នាំ២០២៥ ឯកឧត្ដម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្ដម ថង សាវុន អភិបាល នៃគណៈអភិបាលខេត្ត បានអញ្ជេីញជាគណៈ អធិបតីក្នុង ពិធី ប្រកាសចូលកាន់មុខតំណែងអភិបាលរង នៃគណៈអភិបាលខេត្ត ក្រោមអធិបតីភាព ឯកឧត្ដម អ៊ុត សំអន រដ្ឋ លេខាធិការ ក្រសួង មហាផ្ទៃ ក្នុងការទទួលការប្រកាសចូលកាន់មុខតំណែងជាអភិបាលរងខេត្តថ្មីរួមមាន ១លោក អ៊ុក ភ័ក្ដ្រា ២លោកស្រី កែវ សាវឿន។
ពិធីប្រកាសចូលកាន់តំណែងនេះមានការអញ្ជេីញចូលរួមពីសំណាក់ ឯកឧត្ដម លោកជំទាវ គណៈប្រតិភូ អមដំណេីរ ឯកឧត្ដម លោកជំទាវ សមាជិកក្រុមប្រឹក្សាខេត្ត លោក លោកស្រី អភិបាលរងខេត្តតំណាងសាលាដំបូងខេត្ត មេបញ្ជាការ កងកម្លាំងទាំងបី ប្រធាន មន្ទីរអង្គភាពជុំវិញខេត្ត សភាពាណិជ្ជកម្ម ខេត្ត អាជ្ញាធរក្រុង ស្រុក ឃុំ សង្កាត់ អង្កការសង្គមសុីវិល និងមន្ត្រីជំនាញពាក់ព័ន្ធពិធីនេះប្រព្រឹត្តទៅនៅសាលប្រជុំ អគារ ខ រដ្ឋបាលសាលាខេត្ត៕
